«Мы цалкам салідарныя з нашымі адважнымі калегамі!» МФЖ падхапіў эстафету падтрымкі палітзняволеных журналістаў
20 чэрвеня 2023
У Бруселі насупраць будынка Еўрапейскай камісіі прадстаўнікі Міжнароднай федэрацыі журналістаў і яе еўрапейскай рэгіянальнай арганізацыі зладзілі акцыю на знак падрымкі беларускіх рэпарцёраў-палітвязняў. Акцыя праводзілася ў межах Марафона салідарнасці, які ў Сусветны дзень свабоды прэсы распачала БАЖ.
У чэрвені ў Бруселі каля ўваходу ў Residence Palace — будынак, у якім месціцца штаб-кватэра Міжнароднай федэрацыі журналістаў, Еўрапейскай федэрацыі журналістаў і многіх іншых медыяарганізацый і навінавых агенцтваў — з’явіліся партрэты беларускіх журналістаў-палітвязняў.
«Наш будынак размешчаны на вуліцы Rue de la Loi, тварам да Еўрапейскай камісіі. Мы мяркуем, што гэта прыдатнае месца для закліку да вызвалення нашых калег», — зазначылі прастаўнікі МФЖ і ЕФЖ.
Генеральны сакратар МФЖ Энтані Белангер заявіў: «Рэжым Лукашэнкі падаўляе свабоду слова і пазбаўляе свабоды журналістаў і супрацоўнікаў СМІ. Мы патрабуем неадкладнага вызвалення 33 журналістаў, якія зараз знаходзяцца ў зняволенні ў Беларусі, і заклікаем арганізацыі па свабодзе прэсы і журналісцкія асацыяцыі не заплюшчваць вочы на рэпрэсіі супраць СМІ і абуральныя парушэнні правоў чалавека ў краіне».
Падзякаваць БАЖ праз Patreon
«Беларуская асацыяцыя журналістаў, адзіная незалежная прадстаўнічая арганізацыя журналістаў і супрацоўнікаў СМІ ў краіне, была прызнана рэжымам «экстрэмісцкай групоўкай» у сакавіку 2023 года. Мы цалкам салідарныя з нашымі адважнымі калегамі, якія здзяйсняюць сваю дзейнасць у выгнанні па супрацьдзеянні рэпрэсіям, што працягваюцца супраць свабоды прэсы і грамадзянскай супольнасці. Журналістыка — гэта не злачынства!», — дадаў спадар Белангер.
Нагадаем, Марафон салідарнасці з беларускімі палітзняволенымі рэпарцёрамі стартаваў у Вільні 3 траўня з сумеснай акцыі БАЖ і Саюза журналістаў Літвы.
Да прапановы ўжо далучыліся ў Германіі, Швецыі, Фінляндыі, Даніі і іншых краінах.
БАЖ заклікае калег ва ўсім свеце падтрымаць акцыю салідарнасці! Вы можаце раздрукаваць партрэты зняволеных калег, сфатаграфавацца з імі ў пазнавальных месцах вашага горада (не ў Беларусі) і апублікаваць у сацыяльных сетках з тэгамі #СвабодуЖурналістам і #BecauseTheJournalist, а таксама даслаць нам на адрас office@baj.media ці intercomm@baj.media .
#СвабодуЖурналістам
#BecauseTheJournalist
Чытайце яшчэ:
Марафон салідарнасці працягваецца: палітзняволеных журналістаў падтрымалі ў Германіі
Сайт Беларускай асацыяцыі журналістаў заблакавалі ў Расіі
У Івацэвічах рэдактара незалежнага інтэрнэт-рэсурсу выклікалі «на размову» ў міліцыю
@bajmedia
Аляксей Сапрыкін: «У эміграцыі я атрымаў магчымасць быць сабой»
25.05.2024
Беларускія медыйшчыцы атрымалі ўзнагароды за ўнёсак у развіццё медыясектара і прыклад публічнага жаночага лідарства
06.08.2024
«Талібан» увёў у Афганістане «забарону на фотаздымкі», але яе немагчыма выканаць
23.10.2024
«У горадзе вялікае безпрацоўе, бо бальшавікі аграбілі горад да шчэнту». Пра што пісала выданне «Звон» у 1919 годзе
11.09.2024
