З’явіўся падрабязны юрыдычны аналіз сур’ёзных парушэнняў правоў чалавека ў Беларусі

У час падрыхтоўкі даклада праваабаронцы галоўным для сябе абралі такое пытанне: ці ёсць дастатковыя падставы меркаваць, што супраць беларускага насельніцтва былі здзейсненыя злачынствы супраць чалавечнасці?

«Гэты даклад — унёсак у магчымасці міжнароднай супольнасці, каб падтрымаць беларускі народ у ягоных надзеях на спыненне гвалту і беспакаранасці, а таксама ў ягонай барацьбе за мір, дэмакратыю і справядлівасць. Гэта была вельмі складаная і карпатлівая праца. Экспертам нашай арганізацыі ўдалося сабраць вялікі спіс доказаў злачынстваў лукашэнкаўскага рэжыму і прааналізаваць іх», — падрэсліў кіраўнік Jus­tice Hub Дайнюс Жалімас.

У дакладзе прадстаўлены ўсебаковы прававы аналіз магчымасцяў прыцягнення да адказнасці праз:

• Міжнародны крымінальны суд,

• Унутраныя суды (у Беларусі і замежжы),

• Стварэнне спецыяльнага трыбунала па злачынствах супраць чалавечнасці ў Беларусі.

Таксама праваабаронцы адзначылі шырокі спектр патэнцыйных злачынцаў. У дакуменце падкрэсліваецца асаблівая роля пракурораў і суддзяў у пераследзе грамадзян па палітычных матывах. У спіс патэнцыйных вінаватых патрапілі і суддзі Канстытуцыйнага суда Беларусі, якія пацвердзілі канстытуцыйнасць шэрагу рэпрэсіўных законаў, тым самым забяспечыўшы юрыдычнае абгрунтаванне рэпрэсій.

Прачытаць поўную версію даклада (на ангельскай мове) можна тут

Чытайце яшчэ:

Журналіста Дзяніса Івашына таемна судзілі ў калоніі

«З маімі артыкуламі таксама будзе нямала». У Гомелі пачынаецца суд над журналісткай Ларысай Шчыраковай

Сумленне і гонар за кратамі. У розных краінах прайшла акцыя салідарнасці з Паўлам Мажэйкам