Урад прыняў пастанову аб фінансаванні дзяржаўных выданняў у 2024 годзе

Што паказальна, пералік перыядычных выданняў, якія існуюць за грошы падаткаплацельшчыкаў, паўтараецца з года ў год і амаль не змяняецца. У 2023 годзе ў адпаведнасці з рашэннем Саўміна (пастанова № 730 ад 25 кастрычніка 2022 г.) дзяржаўнай фінансавай падтрымкай карысталіся тыя самыя СМІ.

У 2024 годзе ізноў будуць прафінансаваныя з дзяржаўнага бюджэту часопісы і газеты:

•  «Алеся»,

• «Беларускі гістарычны часопіс»,

• «Бярозка»,

• «Вместе!»,

• «Вясёлка»,

• «Журнал специального назначения»,

• «Звязда» (дадаткі «ЧЫРВОНКА Чырвоная змена», «Мясцовае самакіраванне»),

• «Знамя юности»,

• «Зорька»,

• «Літаратура і мастацтва»,

• «Маладосць»,

• «Мастацтва»,

• «Народная асвета»,

• «Народная газета»,

• «Нёман»,

• «Полымя»,

• «Родная прырода»,

• «Рэспубліка»,

• «СБ. Беларусь сегодня»,

• «Сельская газета»,

• «Спортивная панорама».

Сярод абраных на атрыманне дзярждатацый, некалькі газет, якія ўваходзяць у медыяхолдынг «Издательский дом «Беларусь сегодня». Гэта ўласна «СБ. Беларусь сегодня» (раней — «Советская Белоруссия»), а таксама газеты «Рэспубліка», «Сельская газета», «Народная газета», «Знамя юности». Цікава, што сем гадоў таму Лілія Ананіч, якая ўзначальвала Міністэрства інфармацыі, заяўляла пра тое, што гэты медыяхолдынг не патрабуе ўлівання дзяржаўных сродкаў, і што газеты «СБ. Беларусь сегодня», «Сельская газета», «Рэспублiка», «Народная газета», «Звязда» — гэта «самаакупныя рэнтабельныя выданні, бо ў іх сканцэнтраваны і рэкламны, і арганізацыйна-творчы рэсурс, і ўпарадкаваны рэдакцыйны працэс».

Чытайце яшчэ:

Палітзняволенага Ігара Лосіка залічылі ў «даўжнікі па аліментах»

Аляксей Бацюкоў пакінуў Беларусь. Ён падазраваны па крымінальнай справе за «спрыянне экстрэмісцкай дзейнасці»

Памёр відэааператар Сяргей Чырык