У Ізраілі знайшлі цела фотажурналіста Роя Ідана, які раней лічыўся зніклым без вестак
19 кастрычніка 2023
Журналіст папулярнага ізраільскага выдання Ynet, які жыў у адным з кібуцаў на поўдні краіны, паспеў зрабіць першыя здымкі нападу баевікоў. Пасля гэтага ён лічыўся зніклым. Яго цела знайшлі праз 11 дзён пасля атакі ХАМАСа.
Першапачаткова паведамлялася, што раніцай 7 кастрычніка 2023 года Рой Ідан убачыў баевікоў на парапланах і сляды ад ракет у паветры. Паспеў зрабіць некалькі здымкаў і вярнуўся ў дом.
Што адбывалася ў далейшым, вядома са слоў суседзяў. Яны бачылі мужчыну з 3‑гадовай дачкой на руках. Журналіст быў у крыві. Лічылася, што фотакарэспандэнта выкралі, і ён знаходзіцца ў закладніках у Сектары Газа.
Дагэтуль на поўдні Ізраіля працягваецца пошукавая аперацыя. Менавіта падчас такіх мерапрыемстваў было знойдзена цела Роя Ідана, паведамляе Ynet. Ён будзе пахаваны ў пятніцу, 20 кастрычніка, побач са сваёй жонкай. Аб яе гібелі стала вядома адразу: жанчыну забілі ў гасцёўні іх дома.
Двое дзяцей сямейнай пары паспелі схавацца, і яны выратаваліся. Малодшую дачку дагэтуль не знайшлі. Як перадае Ynet, 3‑гадовая Эбігэйл, верагодна, знаходзіцца ў Сектары Газа. Яе выкралі разам з суседзямі.
Паводле звестак Камітэта абароны журналістаў, на тэрыторыі Ізраіля, Сектара Газа і Лівана загінулі не менш за 12 прадстаўнікоў СМІ, 8 параненыя, 2 зніклі.
Журналісты ў Сектары Газа, паведамляе камітэт, сутыкаюцца з асабліва высокай рызыкай. За першыя восем дзён канфлікту загінулі 10 палестынскіх супрацоўнікаў СМІ.
— Камітэт падкрэслівае, што журналісты — гэта грамадзянскія асобы, якія выконваюць важную працу падчас крызісу, і яны не павінны падвяргацца нападкам з боку ваюючых бакоў, — заявіў Шэрыф Мансур, каардынатар праграм Камітэта абароны журналістаў па Блізкім Усходзе і Паўночнай Афрыцы. — Журналісты ўсяго рэгіёну нясуць вялікія ахвяры, асвятляючы гэты важны канфлікт. Усе бакі павінны прыняць меры па забеспячэнні іх бяспекі, каб спыніць гэтыя цяжкія страты.
Чытайце яшчэ:
Камітэт абароны журналістаў: на Блізкім Усходзе загінулі 12 журналістаў, 8 параненыя, 2 зніклі
Журналіст Мядзведзеў: Да ўсяго можна прызвычаіцца – нават да вайны
«Незалежныя медыя перажываюць крах бізнэс-мадэлі, а грамадства падвяргае сябе самацэнзуры». Асноўнае са справаздачы Freedom House
@bajmedia
Узлом трансляцый 9 траўня: ва Украіне і Латвіі паказалі маскоўскі парад, а ў Расіі — «забойцаў СВА»
09.05.2024
Израиль отменил решение отключить прямую трансляцию AP из Газы. Об этом просил Белый дом
22.05.2024
RSF запускае праект па даследаванні геапалітыкі прапаганды
30.09.2024
Праваабаронца Максім Буткевіч, які знаходзіцца ў няволі ў РФ, стаў лаўрэатам украінскай Нацыянальнай праваабарончай прэміі
11.12.2023
