«Прыярытызацыя беларускага кантэнту над расійскім». Святлана Ціханоўская перадала ў Google запыт ад журналістаў
18 студзеня 2024
Навіны з Швейцарыі, дзе з працоўным візітам знаходзілася Святлана Ціханоўская. У Давосе дэмакратычная лідэрка сустрэлася з адной з кіраўніц Google і перадала спіс запытаў ад беларускіх журналістаў і грамадзянскай супольнасці.
— Падчас Сусветнага эканамічнага форума Святлана Ціханоўская наведала Дом Google у Давосе, дзе сустрэлася з віцэ-прэзідэнткай кампаніі Анэт Кробер-Рыель, — паведамляе Telegram-канал паліытка.
Сярод пытанняў, якія ўздымаліся падчас сустрэчы: прыярытызацыя беларускага кантэнту над расійскім для карыстальнікаў з нашай краіны, лакалізацыя сэрвісаў Google для Беларусі, падтрымка беларускамоўнага кантэнту, прадастаўленне інструментаў Google, а таксама арганізацыя трэнінгаў для медыяў і грамадзянскай супольнасці, стварэнне беларускага інтэрфейсу сэрвісу Gmail.
Нагадаем, незалежныя журналісты, а таксама прадстаўнікі БАЖ неаднаразова звярталі ўвагу, што прапагандысцкія рэсурсы нечакана атрымалі перавагу над незалежнымі медыямі пасля таго, як многія сайты былі заблакаваныя ў Беларусі. Такім чынам кантэнт ад незалежных журналістаў быў песімізаваны.
Напрыканцы размовы Святлана Ціханоўская і Анэт Кробер-Рыель дамовіліся пра наступную сустрэчу. Яна адбудзецца падчас Мюнхенскага форуму па бяспецы 16–18 лютага 2024 года.
Чытайце яшчэ:
Святлана Ціханоўская: «Я працягну прасіць большай дапамогі незалежным СМІ». Ёсць вялікі прагрэс з YouTube
На высокім узроўні. Бажаўскі «Марафон салідарнасці» падтрымалі Святлана Ціханоўская, палітыкі і дыпламаты Еўрасаюза
Ціханоўская дамовілася з Microsoft аб працягу падтрымкі незалежных медыя і НДА
@bajmedia
Сайт госагентства БелТА после взлома не открывается из-за границы, но работает в Беларуси
04.01.2024
BYSOL абвясціў збор сродкаў на ўсталяванне помніка Ігару Ледніку
12.03.2024
Затрыманага блогера Аляксандра Ігнацюка імаверна вінавацяць у «садзейнічанні экстрэмісцкай дзейнасці»
15.08.2023
Перастаў адкрывацца сайт «Народнай Волі»
24.05.2024
