Plan B. заблакавалі ў Расіі
14 лютага 2024
Сайт медыя Plan B. стаў недасяжны на тэрыторыі Расіі. Пра гэта паведаміла каманда праекта 12 лютага 2024 года.
Пра блакіроўку сайта сведчаць дадзеныя Універсальнага сэрвісу праверкі абмежавання доступу да сайтаў і (або) старонак сайтаў сеткі Інтэрнэт Раскамнагляду і сайта ping-admin.com.
«Значыць мы працягваем усё рабіць правільна», — адрэагавалі ў рэдакцыі Plan B.
Зараз матэрыялы Plan B. можна чытаць праз VPN ці на зеркале сайта.
Plan B. робяць журналісты, якія адсядзелі ў СІЗА і былі вымушаны пакінуць Беларусь. Медыя ўзначаліла былы галоўны рэдактар палітыка-эканамічнага блока Tut.by Вольга Лойка. Кантэнт Plan B. — гэта падзеі ў Беларусі з аўтарскім меркаваннем дасведчаных рэдактараў.
Праект стартаваў у чэрвені 2023 года, а ўжо ў ліпені сацсеткі і матэрыялы сайта былі прызнаныя экстрэмісцкімі і праект заблакавалі ў Беларусі.
Чытайце яшчэ:
Plan B. звярнуўся да чытачоў па падтрымку
Вольга Лойка расказала, як здымалася для прапагандысцкага фільма пра Tut.by
Сярод абвінавачаных за «здраду дзяржаве» — шасцёра журналістаў і блогераў. Хто яны?
@bajmedia
