Хакеры ўзламалі сайты некалькіх украінскіх СМІ

Хакеры здзейснілі серыю кібератак увечары ў нядзелю. Пацярпелі сайты і акаўнты ў сацсетках вядомых украінскіх медыяў, піша Руская служба ВВС.
 
«Сёння расейскія хакеры здзейснілі чарговую атаку на шэраг украінскіх медыяў і размясцілі на іх рэсурсах фэйкавую інфармацыю, — гаворыцца ў паведамленні дзяржаўнай службы спецыяльнай сувязі і абароны інфармацыі Украіны. — Ва ўрадавую каманду рэагавання на кампутарныя надзвычайныя падзеі CERT-UA, якая дзейнічае пры Дзяржспецсувязі, ужо звярнуліся прадстаўнікі «Украінскай праўды», Liga.net, «Апострафа» і «Тэлеграфа»».

Зараз спецыялісты Дзяржспецсувязі праводзяць даследаванне гэтага інцыдэнту.
 
У сваю чаргу, выданне «Украінская праўда» напісала, што невядомыя ўзламалі яе старонку ў сацсетцы Х і размясцілі там ілжывую інфармацыю.
 
«У прыватнасці, там з’явілася фэйкавая інфармацыя аб нібыта «разгроме» расейскімі акупантамі элітных падраздзяленняў ВСУ ў Аўдзееўцы», — піша «Украінская праўда».
 
Выданне папрасіла не лічыць, што гэта інфармацыя мае дачыненне да УП. Пазней «Украінская праўда» паведаміла, што доступ да аккаўнта Х адноўлены.

Чытайце яшчэ:

Што рабіць, калі ў Беларусі стануць блакаваць VPN — і ці трэба хвалявацца ўжо зараз

Улады прызналі «экстрэмісцкім» кантэнт старонак «Новага Часу»,  «Брестской газеты», «Белсата» і іншых медыяў

Нармалізацыя як умова выжывання. Што цяпер асвятляюць «перафарматаваныя» выданні