Зачыніўся часопіс «Дзеяслоў», які выходзіў больш за 20 гадоў

Першы нумар часопіса «Дзеяслоў» быў прэзентаваны публіцы 23 верасня 2002 года. Выданне імкліва развівалася. Паступова пры «Дзеяслове» з’явілася бібліятэчка, якая выпускала кнігі слынных беларусаў, сярод якіх былі зборнікі Андрэя Хадановіча,Ніла Гілевіча, Уладзіміра Някляева і г.д.

А таксама часопіс ладзіў  прэмію «Залаты апостраф». Штогод рэдакцыя адзначала  лепшыя творы ў намінацыях «проза», «паэзія» і «дэбют».

У мінулым годзе рэдакцыя святкавала 20-годдзе.

— Шмат рознага адбылося за гэтыя гады: часопіс развіваўся, былі сотні паездак, прэзентацый, сустрэч з чытачамі, пачаў выходзіць перакладны дайджэст… Былі і цяжкасці, і перашкоды. Але галоўнаму свайму крэда, спадзяемся, часопіс не здрадзіў – друкаваць найлепшае ў беларускай і сусветнай літаратуры, сумленна асвятляць літаратурна-мастацкі працэс, быць у кантэксце і ў авангардзе, не ісці на кампрамісы з сумленнем. Жыццё кароткае, а Айчына вечная. Як вечная і сапраўдная Літаратура. Нам не сорамна за гэтыя 20 год», — гаворалі падчас святкавання юбілею ў рэдакцыі.

На жаль, 127-мы нумар стаў для «Дзеяслова» апошнім.

Чытайце яшчэ:

Дзяржаўны тэлеканал АНТ абвесціў, што ягоны YouTube-канал цяпер мае больш за 1 мільён падпісчыкаў. Чаму гэта выклікае сумнеў?

«Самае прыемнае, калі ёсць зваротная сувязь ад аўдыторыі». Незалежныя медыі падвялі вынікі года і падзяліліся планамі

ЛІЧБЫ ГОДА. Пераслед журналістаў і медыя ў 2023 годзе