У Магілёве пасля другога адміністрацыйнага арышту не выйшаў на волю Алесь Сабалеўскі
8 студзеня 2024
Былога журналіста і блогера Алеся Сабалеўскага затрымалі 12 снежня мінулага года ў Магілёве і на наступны дзень пакаралі адміністрацыйным арыштам на 10 сутак. Ужо падчас знаходжання Сабалеўскага ў магілёўскім ІЧУ на яго склалі яшчэ адзін адміністрацыйны пратакол паводле ч. 2 арт. 19.11 КаАП РБ — за распаўсюд так званых «экстрэмісцкіх» матэрыялаў. Пасля адбыцця другога тэрміну арышту ён мусіў выйсці на волю 6 студзеня, але гэтага не адбылося, паведамляе MAYDAY TEAM.
Паводле версіі Тэлеграм-канала, які вядуць магілёўскія журналісты і праваабаронцы, Алеся Сабалеўскага маглі перавесці ў следчы ізалятар. Але гэтая інфармацыя патрабуе ўдакладнення, як і тое, у чым на дадзены момант яго вінавацяць.
Нагадаем, 12 снежня 2023 года Алеся Сабалеўскага сілавікі забралі ўранку проста з працы (ён працаваў у пункце пракату). Гэта здарылася праз некалькі дзён пасля хвалі затрыманняў і ператрусаў у магілёўскіх журналістаў, якіх дапытвалі ў КДБ пасля прызнання экстрэмісцкімі фармаваннямі інфармацыйных рэсурсаў «Магілёў. Меdia» і 6TV Bielarus.
Гэта не першы выпадак падвышанага інтарэсу сілавікоў да Сабалеўскага за апошнія гады. У студзені 2021-га да журналіста прыходзілі з вобшукам. Тады ператрусы адбыліся ў офісе рэдакцыі інфармацыйнага сайта «Магілёўскі рэгіён» і ў прыватным жыллі шэрагу рэгіянальных журналістаў. Аргтэхніку, забраную падчас ператрусаў, журналістам вярнулі толькі праз дзесяць месяцаў, у кастрычніку 2022 года.
Чытайце яшчэ:
Симпатизируют России, находятся под санкциями. Посмотрели, кто из провластных медийщиков идет на парламентские и местные выборы
Святлана Ціханоўская ўзнагародзіла «Белсат» Знакам гонару дэмакратычных сілаў
Экстрэмісцкай інфармацыйнай прадукцыяй прызналі кантэнт рэгіянальных выданняў «Магілёў.Media» і «Першы Пінскі»
@bajmedia
Instagram-старонка «Будзьма беларусамі!» прызнаная беларускімі ўладамі «экстрэмісцкай»
01.12.2023
З’явілася петыцыя за павялічэнне беларускай мовы на тэлебачанні
10.06.2024
БАЖ зноў вылучыў Нацыянальны саюз журналістаў Украіны на прэмію ЮНЭСКА/Гільерма Кано
14.02.2024
Журналіста Паўла Мажэйку ўнеслі ў так званы спіс экстрэмістаў
17.11.2023
