Новае «экстрэмісцкае фармаванне» і «экстрэмісцкія матэрыялы». Што трапіла ў спіс на гэты раз?
22 жніўня 2023
Новым «экстрэмісцкім фармаваннем» стаў праект Таццяны Мартынавай. А ў спіс «экстрэмісцкіх матэрыялаў» трапіў «Грустный Коленька».
Як паведамляюць праўладныя тэлеграм-каналы, МУС прыняў рашэнне прызнаць праект «Хватит бояться! – Татьяна Мартынова» «экстрэмісцкім фармаваннем».
Па меркаванні МУС, праект быў накіраваны на «арганізацыю дзейнасці па падрыхтоўцы здзяйснення замахаў на суверэнітэт і грамадскую бяспеку Рэспублікі Беларусь, дыскрэдытацыю і абразу службовых асоб».
Выданне «Позірк» нагадала, што Таццяна Мартынава — радыё- і тэлевядучая, працавала на FM-станцыі «Бі-Эй» і тэлеканале ОНТ, у рэстаранным бізнесе. Пакінула Беларусь у канцы чэрвеня 2020 года з‑за пагрозы крымінальнага пераследу. Цяпер пражывае ў Кіеве, адкуль вядзе свае эфіры.
За папаўненне спісу «экстрэмісцкіх матэрыялаў» гэтым разам адказваў суд Ленінскага раёна горада Гродна. Ён дадаў туды тэлеграм-канал, YouTube-канал, старонкі ў інстаграм і Twitter сатырычнага праекта «Грустный Коленька».
Чытайце яшчэ:
Анджэя Пачобута ўзнагародзілі медалём місіі Яна Карскага
Улады Расіі паспрабуюць заблакаваць YouTube
«Контент является дезинформацией и пропагандой». В Литве видят угрозу в вещании белорусского радио и ТВ на территории страны
@bajmedia
Еўрапейскія дыпламаты напісалі лісты зняволеным беларускім журналістам
03.05.2024
Брэсцкі абласны суд завочна прыгаварыў да зняволення ўдзельнікаў праекта «Рудабельская паказуха»
25.06.2024
Андрэя Толчына вінавацяць у нанясенні шкоды нацыянальнай бяспецы
13.10.2023
БТ адказала на скаргу Бондаравай: Гледачы просяць паказваць Білана і Асці, а вам раім «Панараму»
29.01.2024
