Музыку Мікіту Найдзёнава асудзілі на 3 гады «хатняй хіміі» і вызвалілі з‑пад варты ў залі суду

Яго абвінавачвалі паводле арт. 342 КК «Арганізацыя і падрыхтоўка дзеяньняў, якія груба парушаюць грамадзкі парадак, альбо актыўны ўдзел у іх». Прысуд — 3 гады абмежаваньня волі без накіраваньня ў папраўчую ўстанову адкрытага тыпу («хатняя хімія»).

Пасьля абнародаваньня прысуду Найдзёнава вызвалілі з‑пад варты ў залі суду. Праваабарончая супольнасьць Беларусі прызнала Найдзёнава палітвязьнем.

Мікіта Найдзёнаў — беларускі паэт і музыка, былы фронтмэн гурту Hur­ma, а таксама аўтар шэрагу песень розных артыстаў. У 2015 годзе стаў уладальнікам прэміі «Залаты Апостраф» у намінацыі «Дэбют» за лепшую публікацыю вершаў у часопісе «Дзеяслоў».

З канца красавіка 2023 году ён знаходзіўся ў СІЗА № 8 Жодзіна. У ліпені 2023 году яго перавялі са Сьледчай турмы № 8 у СІЗА‑1 у Менску.

Чытайце яшчэ:

«Беларусы зноў пачнуць чытаць газеты, калі зразумеюць, што там пішуць праўду». Гутарка з Віктарам Марчуком

На Магілёўшчыне зноў адкрываюцца шапікі «Саюздрука», але ўжо гомельскія, віцебскія

Міністэрства інфармацыі заблакавала рэгіянальны сайт з Брэста