Медыяпраект Girls Power Belarus змяняе фармат
14 жніўня 2023
Ад 12-га жніўня тэлеграм-праект займеў назву «Сначала женщины, потом женщины», а брэнд Girls Power Belarus пачаў працаваць асобна ад яго ў інстаграме.
Тры гады таму каманда Girls Power Belarus пачынала з таго, што арганізоўвала жаночыя маршы і акцыі, пісала пра фемінізм, барацьбу з патрыярхатам і іншыя складаныя і важныя рэчы, звязаныя з жаночымі правамі. Да таго ж арганізатары збіралі грошы ў падтрымку палітвязняў і жанчын, якія пацярпелі ад гвалту.
Зараз медыяпраект «Сначала женщины, потом женщины» плануе стаць голасам феміністак Беларусі.
— Мы працягнем пісаць для вас, весці фемінісцкую хроніку і спадзяемся быць для вас утульным мікра-светам дзе можна патужыць, пасмяяцца і адчуваць сябе «сваёй». У тэлеграм-канале ў кожнай будзе магчымасць і прастора гаварыць аб барацьбе з патрыярхатам, праблемах і магчымасцях гендэрнай роўнасці, — тлумачыць сваю пазіцыю стваральнікі ініцыятывы.
Праект Girls Power Belarus стварыла Ксенія Малюкова. Апошнія тры гады яна рабіла спецпраекты па зборы грошай для палітычных зняволеных Беларусі, а з траўня 2023 года стала намесніцай прадстаўніцы Аб’яднанага пераходнага Кабінета па сацыяльнай палітыцы Вольгі Гарбуновай.
Галоўнай рэдактаркай Girls Power Belarus з’яўляецца журналістка і медыя-мэнэджэрка Наталля Жукоўская, якая апошнія гады актыўна працавала ў сацыяльных праектах па зборах для палітвязняў, а таксама дакументавала катаванні.
Чытайце яшчэ:
Што не так у беларускіх медыя з асвятленнем тэмы ЛГБТК+? Запыталіся ў экспертаў і калег
Жонка і дачка Ігара Карнея з’ехалі з Беларусі
Тэатральная менеджарка Вольга Кулікоўская: «На жаль, не магу сказаць, што існуе прафесійная салідарнасць»
@bajmedia
