«Прэсбол» пачыняе змяняць фармат: колькасць старонак газеты ад пачатку года скарацілася

Змены ў фармаце выдання чакалі  з таго часу, як выканаўчы камітэт Асацыяцыі «Беларуская федэрацыя футбола» вырашыў выкупіць асноўныя долі у заснавальнікаў газеты. Да кастрычніка 2023 года дзяржаўнай Асацыяцыі належала толькі палова акцый медыя, астатнія былі ў прыватных асоб: 30 адсоткаў у Юрыя Арлова і па 10 адсоткаў у Аляксандра Дабрыяна і Дзмітрыя Беленькага.

Як зазначае Tribuna.com, газета абяцае з 2024 года аддаваць прыярытэт на сваіх старонках менавіта футболу.

Змены закранулі і тыраж выдання: па падліках Tribuna.com, тыднёвы тыраж «Прэсбола» ў 2024‑м знізіўся на 12,8% у параўнанні з мінулым годам. У канцы 2023-га ён складаў 6749 экзэмпляраў, у пачатку 2024-га — 5885 экзэмпляраў.

Нагадаем, у выніку падзей 2020 года з «Прэсбола» сышло шмат журналістаў. Гэта было зроблена на знак пратэста супраць дзеянняў заснавальнікаў медыя, якія вырашылі «нармалізаваць» кантэнт і прызначылі новага, лаяльнага да ўладаў, галоўнага рэдактара.

Аднак 16-га чэрвеня 2023 года Міністэрства інфармацыі Беларусі паведаміла пра абмежаванне доступа да сайта выдання. 11 жніўня нечакана памёр 54-гадовы галоўны рэдактар газеты «Прэсбол» Сяргей Лісічкін.

У снежні 2023 года на пасаду галоўнага рэдактара спартыўнай газеты быў прызначаны Аляксандр Дабрыян. Раней ён працаваў у гэтым жа выданні, але на пасадзе намесніка.

Чытайце яшчэ: 

Plan B звярнуўся да чытачоў па падтрымку

В Эквадоре вооруженные люди захватили сотрудников телеканала во время прямого эфира

Пасля публікацыі пра замежныя ваяжы Беларускага Чырвонага Крыжа заблакавалі расследніцкі сайт «Бюро медыя»