Беларуская федэрацыя футбола атрымлівае поўны пакет акцый «Прэсбола». Газета цалкам пяройдзе пад кантроль дзяржавы
6 кастрычніка 2023
Сёння ў Доме футбола адбылося чарговае пасяджэнне выканаўчага камітэта Асацыяцыі «Беларуская федэрацыя футбола». На ім вырашалі, што рабіць з вядомым спартыўным медыя.
Выканаўчы камітэт вырашыў выкупіць у заснавальнікаў газеты «Прэсбол» іх долі.
Да сёння дзяржаўнай Асацыяцыі належала толькі палова акцый медыя, астатнія былі ў прыватных асоб: 30 адсоткаў у Юрыя Арлова і па 10 адсоткаў у Аляксандра Дабрыяна і Дзмітрыя Беленькага.
Газета «Прэсбол» выходзіла з 1991 года. У 2020‑м яе упершыню ўзначаліў чалавек звонку: былы журналіст «Спартыўнай панарамы» і АНТ Сяргей Лісічкін. Тады з рэдакцыі сышлі вядучыя журналісты. У чэрвені 2023 года міністэрства інфармацыі Беларусі абмежавала доступ да сайта «Прэсбола». «Па выніках маніторынгу на прадмет захавання нацыянальнага заканадаўства аб СМІ Міністэрства інфармацыі Рэспублікі Беларусь прыняло рашэнне аб абмежаванні доступу да інтэрнэт-рэсурсу pressball. by», — тлумачылі тады сваё рашэнне чыноўнікі ведамства.
11 жніўня 2023 года54-гадовы галоўны рэдактар «Прэсбола» Сяргей Лісічкін памёр. Праз месяц з’явіліся размовы пра тое, што «Прэсбол» можа хутка спыніць сваё існаванне.
Чытайце яшчэ:
«Святкаваць штосьці разам — гэта дужа істотна». Як выжываюць рэдакцыі ў розных краінах
«Незалежныя медыя перажываюць крах бізнэс-мадэлі, а грамадства падвяргае сябе самацэнзуры». Асноўнае са справаздачы Freedom House
Здымачная група партугальскага тэлеканала трапіла ў Харкаве пад абстрэл
@bajmedia
Галоўрэд глыбоцкай раёнкі не сцішаецца і працягвае абражаць незалежныя медыі
23.08.2024
Журналіст Аляксандр Корнышаў адкрыў збор на дапамогу пасля аперацыі
17.06.2024
Ізноў ператрус у Змітра Лупача. Гэтым разам у вясковай хаце
08.12.2023
У Пінску будуць судзіць журналіста, які асвятляў пратэсты пасля выбараў у 2020 годзе
19.09.2024
