Яшчэ адна дзяржаўная друкарня на Віцебшчыне падалася на ліквідацыю і распрадае маёмасць

Калісьці тут друкавалася мясцовая раёнка, якая ў розныя часы мела назвы «За калектывізацыю», «Шлях сацыялізму», «Сцяг сацыялізму», а з 1965 года называецца «Чырвоны прамень». Зараз яна ахоплівае тэрыторыю Чашнікаў, Навалукомля ды іншыя мястэчкі, прылеглыя да гэтых гарадоў.

Аўкцыён па продажы маёмасці прадпрыемства, якое ад траўня знаходзіцца ў ліквідацыі, пройдзе 16 кастрычніка 2023 года.

Нагадаем, год таму была ліквідаваная адна са старэйшых друкарняў у Віцебскай вобласці — аршанская. Яна распачала сваю гісторыю на пачатку 1918 года. Віцебскі філіял РУП «Інстытут нерухомасці і ацэнкі» арганізаваў тады шэсць аўкцыёнаў па продажы абсталявання паліграфічнага прадпрыемства. Некаторае абсталяванне тады прадавалі асобнымі лотамі. Будынак друкарні з’яўляўся гісторыка-культурнай каштоўнасцю. Купіў комплекс «Аршанскай друкарні» расійскі прадпрымальнік за 573 тысячы беларускіх рублёў.

Сайт аршанскай друкарні быў закрыты яшчэ ў 2020 годзе. У «Аршанскай друкарні» друкаваліся аршанская і дубровенскія раённыя газеты. Зараз іх выпуск забяспечвае Віцебская абласная друкарня.

Усяго ў Віцебскай вобласці дзейнічала 10 друкарняў, дзве з якіх ужо не працуюць.

Чытайце яшчэ:

«Создание иллюзии, что в стране всё хорошо». Как изменилась работа белорусских новостных агрегаторов после 2020 года

Віцебская тэлерадыёкампанія заснавала сваю прапагандысцкую праграму

«У беларускіх медыя не прынята абараняць назву з дапамогай таварнага знака». Наколькі абгрунтаваныя прытэнзіі датычна нэймінгу?