Вядоўца Гомельскага тэлебачання пахвалілася граматай ад КДБ і МУС. Напярэдадні міліцыя затрымала яе калег
15 мая 2023
Вядоўца Гомельскага тэлебачання Ганна Плахатнюк выклала ў Інстаграм граматы. І хоць інфармацыя на іх часткова замазаная, можна разабраць, што прапагандыстку ўганаравалі Гомельскае ўпраўленне КДБ, а таксама ўпраўленне МУС Гомельскага аблвыканкаму «за ўзаемадзеянне», піша "Флагшток".
Напярэдадні атрымання граматы ад КДБ, 5 мая, на Гомельскім тэлебачанні затрымалі чатырох журналістаў. Раней праваабаронцы звязалі іх з гомельскім радыё. Згодна крыніцам Флагштока, журналісты працуюць на Гомельскім тэлебачанні (а радыё ўваходзіць у яго склад). Іх затрымалі падчас агульнага сходу супрацоўнікаў тэлебачання. Меркаваная падстава — удзел журналістаў у закрытым чаце. Са слоў крыніцы, адзін з удзельнікаў чату здаў яго карыстальнікаў супрацоўнікам міліцыі.
Ці звязаныя гэтыя падзеі між сабой, невядома.
Пра Ганну Плахатнюк вядома, што яна раней працавала судэкспертам у сферы лічбавых тэхналогій. Сёння працуе на Гомельскім тэлебачанні, дзе ў студыі агучвае навіны, у тым ліку і прапагандысцкія тэзісы. Жанчына ў сацсетках, а таксама ў эфіры, выкарыстоўвае іншае прозішча — Гардзеева.
Яшчэ перад публікацыяй Флагштока Плахатнюк выдаліла фотаздымкі грамат са свайго Інстаграма.
Чытайце яшчэ:
У Гомелі 15-суткавым арыштам пакаралі супрацоўніцу Тэлерадыёкампаніі «Гомель»
У Гомелі судзяць журналіста і краязнаўцу Яўгена Меркіса
Чатыры супрацоўнікі гомельскага абласнога радыё апынуліся за кратамі
@bajmedia
Міністр замежных спраў Польшчы выказаў салідарнасць са зняволеным журналістам Анджэем Пачобутам
20.12.2023
Выйшла кніга пра легендарныя беларускія музычныя медыя
24.11.2023
МУС прапанавала блакаваць «экстрэмісцкі кантэнт» яшчэ на этапе даследчай праверкі
06.09.2024
Мининформ санкционировал показ чемпионата мира по пляжному футболу в Беларуси без получения разрешения ФИФА
16.02.2024
