У Літве заблакіравалі «Спутнік» з‑за парушэння аўтарскіх правоў
11 ліпеня 2019
Літоўская камісія па радыё і тэлебачанні (ЛКРТБ) пастанавіла, што літоўскі партал расійскага навінавага агенцтва «Спутнік» павінен быць заблакаваны з-за парушэнняў аўтарскіх правоў, піша Delfi
Камісія звернецца ў суд, каб ён абавязаў інтэрнэт-правайдараў ліквідаваць магчымасць доступу да партала sputniknews.lt. Доступ да «Спутніка» будзе заблакаваны з‑за таго, што агенцтва без дазволу размяшчае ў сябе публікацыі навінавага партала літоўскага нацыянальнага вяшчальніка lrt.lt. На пасяджэнні старшыня ЛКРТБ Мантас Марцішус сказаў, што «Спутнік» не рэагаваў на папярэджанні не выкарыстоўваць чужы кантэнт.
«Адміністрацыя інтэрнэт-сайта не прадпрымае ніякія дзеянні для ліквідацыі незаконна абнародаванага ўтрымання, які знаходзіцца пад абаронай аўтарскіх правоў», — сказаў на пасяджэнні старшыня ЛКРТБ.
Камісія ўстанавіла, што на партале незаконна было размешчана амаль 1,5 тыс. артыкулаў. М. Марцішус адзначыў, што калі «Спутнік» ліквідуе парушэнні, ён зможа звярнуцца ў камісію наконт аднаўлення доступу.
@bajmedia
7 чэрвеня Вярхоўны суд будзе разглядаць апеляцыйную скаргу Ігара Карнея
04.06.2024
У рэдактара партала orsha.eu Ігара Казмерчака зладзілі чарговы ператрус
24.07.2024
Новы польскі ўрад звольніў кіраўніцтва дзяржаўных СМІ, адзін канал спыніў вяшчанне
20.12.2023
Знявагі і мова варожасці: Telegram-канал, блізкі да сілавікоў, цкуе журналіста Змітра Лупача
29.05.2024
