У Казахстане не акрэдытавалі больш за 30 супрацоўнікаў «Радыё Свабода». Выданне звярнулася ў суд
1 лютага 2024
Міністэрства замежных спраў Казахтана адмовіла ў акрэдытаціі як мінімум 36 супрацоўнікам «Радио Азаттык» — казахскай службы «Радыё Свабода». Рэдакцыя падала пазоў у адміністрацыйны суд Астаны.
«Радио Азаттык» звярнулася ў МЗС з заявамі аб выдачы і прадаўжэнні акрэдытацый для 36 супрацоўнікаў у верасні і кастрычніку 2023 года. Да гэтага рэдакцыя таксама звярталася ў МЗС, але не атрымлівала адказаў. Тэрміны дзеяння акрэдытацыі часткі журналістаў заканчваюцца сёлета. Некаторыя чакаюць дакументаў з 2022 года.
Згодна з правіламі, МЗС Казахстана павінна прыняць рашэнне аб прадастаўленні або адмове ў прадастаўленні акрэдытацыі рэпарцёру замежнага СМІ на працягу двух месяцаў пасля атрымання заявы. У выпадку адмовы ў прадстаўленні акрэдытацыі рэпарцёру яно павінна прадставіць абгрунтаванне.
3 студзеня 2024 года рэдакцыя атрымала пісьмовы адказ ад МЗС Казахстана, у якім паведамлялася, што ведамства прыняло рашэнне аб адмове/падаўжэнні ў акрэдытацыі 36 супрацоўнікаў «Радио Азаттык».
Ведамства заявіла, што журналісты працавалі без акрэдытацыі, а таксама спаслалася на пастанову аб накладанні штрафу, вынесеную адміністрацыйным судом у лістападзе па новым артыкуле, які называюць аналагам расійскага закона «аб фейках».
30 студзеня 2024 года прадстаўніцтва «Радыё Свабода» падало пазоў у адміністрацыйны суд Астаны. Рэдакцыя просць суд адхіліць довады ведамства як неабгрунтаваныя — з прычыны своечасовых зваротаў па акрэдытацыю журналістаў. Рэдакцыя падкрэслівае, што падавала дакументы неаднаразова і ў тэрміны.
«Радио Азаттык» вядома ў рэгіёне сваімі расследаваннямі аб карупцыі і маёмасці былых і цяперашніх прадстаўнікоў улады Казахстана.
У парламенце Казахстана зараз разглядаюць законапраект «Аб мас-медыях». У дакуменце прапісалі забарону на працу замежных СМІ і іх журналістаў без акрэдытацыі МЗС.
Ведамства, у сваю чаргу, зможа адмаўляць замежным выданням у акрэдытацыі пры «пагрозе нацыянальнай бяспецы».
Чытайце яшчэ:
Украінская журналістка выйграла суд супраць фігуранта свайго расследавання, які публічна яе зневажаў
АНТ апублікаваў фэйкавы пост пра Ілана Маска з нецэнзурнай лаянкай
Штучны інтэлект пакуль не заменіць журналістаў, затое можа ім дапамагчы. Даем лайфхакі
@bajmedia
«Са сваёй сям’ёй і ўсміхаецца». З палона вызвалена дачка ізраільскага журналіста, чыя гісторыя разышлася па свеце
28.11.2023
У Іране журналістцы Наргіз Мохаммадзі могуць падоўжыць 35-гадовы тэрмін зняволення. Пачалася міжнародная кампанія ў яе абарону
14.06.2024
Eurosport отстранил комментатора от работы на Олимпиаде за слова о «копошащихся» и «красящихся» женщинах
29.07.2024
Украіна атрымала неафіцыйныя дадзеныя, дзе ўтрымліваюць карэспандэнта УНІАН, якога выкралі расійскія вайсковыя
10.07.2024
