АНТ апублікаваў фэйкавы пост пра Ілана Маска з нецэнзурнай лаянкай
29 студзеня 2024
Беларускі дзяржтэлеканал АНТ апублікаваў у сваім тэлеграме фэйкавы скрыншот — нібыта пост Ілана Маска з сацсеткі X з нецэнзурнай лаянкай. У ім ішла гаворка пра сепаратыстскія настроі ў амерыканскім штаце Тэхас. Фэйк заўважыла і выкрыла беларускае незалежнае выданне «Зеркало». Пазней гэты пост знік.
«Зеркало» прыводзіць срыншот паста з фэйкам, які з’явіўся ў тэлеграм-канале АНТ увечары 27 студзеня 2024 года. У тэксце паведамлення сцвярджалася, што Маск апублікаваў самыя папулярныя паведамленні ў сацсетцы X ад расіян — «Тэхас наш» і «Піндосы, што з я***м?».
Насамрэч Маск такога не пісаў, а скрыншот распаўсюджваецца ў расійскіх сацсетках і прапагандысцкіх тэлеграм-каналах. Раніцай 27 студзеня, напрыклад, ён з’явіўся на канале «Такер Карлсон на русском и другие», адзначае «Зеркало».
Такім чынам дзяржаўны тэлеканал разам з ілжывай інфармацыяй распаўсюдзіў прапагандысцкі наратыў пра сепаратызм амерыканскага штата Тэхас. Пазней гэты допіс знік з тэлеграм-каналу АНТ.
Зараз у Тэхасе і іншых паўднёвых штатах ЗША развіваецца крызіс, звязаны з міграцыяй. Вялікая хваля ўцекачоў прыбывае ў краіну праз паўднёвую мяжу. На гэтым фоне ў расійскіх СМІ і сацсетках распаўсюджваюцца чуткі пра магчымае аддзяленне Тэхаса ад ЗША. Юрыдычна такое немагчыма.
Чытайцек яшчэ:
Дзяржаўны тэлеканал АНТ абвесціў, што ягоны YouTube цяпер мае больш за 1 мільён падпісчыкаў. Чаму гэта выклікае сумнеў?
У Брэсце чыноўнікі азадачыліся, чаму людзі менш чытаюць дзяржаўныя газеты. Выйсце шукаюць у працы з блогерамі
«СБ. Беларусь сегодня» зменшыла наклад. Але маніпулятыўна ўдвая завышае рэальную колькасць асобнікаў
@bajmedia
Беларус Дзмітрый Шэпелеў страціў працу на расійскім тэлебачанні
18.10.2024
Затрыманага магілеўскага блогера Алеся Сабалеўскага перавялі ў СІЗА
15.01.2024
«Бачыў, што хмары згушчаюцца». Блогер Сяргей Пятрухін расказаў пра ад’езд з Беларусі
13.02.2024
У Рызе з’явілася «пустое крэсла» Кацярыны Андрэевай і прагучалі яе творы па-латышску
18.11.2024
