У «экстрэмісцкі спіс» Мінінфарма ўключылі інтэрнэт-рэсурсы Media IQ

Рашэнне аб прызнанні экстрэмісцкай інфармацыйнай прадукцыяй зместу сайта і сацсетак Media IQ прыняў 13 чэрвеня суд Цэнтральнага раёна Гомеля.

У Рэспубліканскі спіс экстрэмісцкіх матэрыялаў, які складае Міністэрства інфармацыі Беларусі, трапілі:

- сайт mediaiq.info,

- старонка пад назвай Мedia IQ у Face­book з ідэнтыфікатарам facebook.com/mediaIQBelarus,

- старонка Мedia IQ у Insta­gram з ідэнтыфікатарам www.instagram.com/mediaiq_official,

- старонка Мedia IQ на інфармацыйным форуме Link­tree з ідэнтыфікатарам linktr.ee/mediaiq_official.

Некалькі згаданых Мінінфармам інтэрнэт-рэсурсаў ўжо не існуюць.  Гэта старонка ў Tik­Tok з ідэнтыфікатарам tiktok.com/@.mediaiq_belarus, Telegram-канал з ідэнтыфікатарам t.me/mediaIOBelarus, канал на відэахостынгу YouTube з ідэнтыфікатарам youtube.com/@.mediaiqbelarus.

Media IQ — гэта праект беларускага Прэс-клуба пра развіццё крытычнага маслення ў лічбавую эпоху ў свеце fake news. «Мы прасоўваем культуру свядомага стаўлення да інфармацыі ў медыях», — так акрэсліваюць сваю місію ўдзельнікі ініцыятывы.