Сяргей Ваганаў: Журналістка
16 верасня 2020
Пікет журналістаў у Мінску супраць пераследу калег
ЖУРНАЛІСТКА
Яе ўсю ноч трымалі ў пастарунку.
Прапанавалі каву і зефір:
«Частуйцеся, вышэйшага гатунку!
Не тое, што акрэсцінскі чыфір…
Якое глупства ваша галадоўка!
Ці ж вам не трэба набываць вагу?!
Цукерку пакаштуйце, вось, «Кароўка»…
Не хочаце? А вы праз не магу…»
Ёй сапраўды не шкодзіла б паесці.
У вочы поўз вясёлкавы туман.
Падумала: а як жа моўчкі бэсціць
Яе звышклапатлівы капітан!
Падрыхтавана здымачная група.
Люстэркам ззяе зоркі аб’ектыў…
«Ну, з’еш! Ну, з’еш! — малілі зрэнкі тупа. —
З’ясі, хутчэй на волю выйдзеш ты…
Не псуй для тэлебачання карцінку.
БТ, РТ развешаны кручкі.
Не ўсё ж пра гвалт амонаўскі пласцінку
Табе круціць, пра кулі і дручкі…»
Яе ўсю ноч трымалі ў пастарунку.
Карцінку спадзяваліся займець.
Ды толькі хто вышэйшага гатунку,
Ніколі ім ужо не зразумець.
30 жніўня 2020 г.
@bajmedia
«Дзеяслоў» закрылі — з’явіўся «Апостраф». Ціхан Чарнякевіч пра тое, як нарадзіўся новы літаратурны альманах
18.09.2024
«Цікавіліся, ці праўда ў Беларусі можна за каментарый трапіць у турму». Блогер Пятрухін расказвае ў TikTok палякам пра беларусаў
06.05.2024
Чаму і ў 2024 годзе беларусы застануцца ў расійскім інфармацыйныі полі — меркаванне Севярына Квяткоўскага
12.01.2024
«Не я ў літаратуры, а літаратура ўва мне». У новым рамане Бахарэвіча знік аўтар
18.05.2024
