Скандал: Spiegel змясціў на вокладку Трампа з адрэзанай галавой статуі Свабоды
5 лютага 2017
Нямецкі часопіс Der Spiegel змясціў на вокладку свайго новага нумара, які выйшаў у суботу, 4 лютага, выяву прэзідэнта ЗША Дональда Трампа, у адной руцэ якога акрываўлены нож, а ў другой — галава статуі Свабоды. «Амерыка перадусім», — гаворыцца ў подпісе.
.@DerSPIEGEL’s «America First» Trump cover is just stunning https://t.co/vJO9JK7qIm pic.twitter.com/7L9h07QJUk
— Ad Age (@adage) 4 февраля 2017 г.
Як адзначае Washington Post, аўтарам малюнка выступіў Эдэль Радрыгес. Як удакладняе выданне, ён прыехаў у ЗША з Кубы ў 1980 годзе як палітычны ўцякач і разам з іншымі бежанцамі і імігрантамі абураны новым указам Трампа, зрабіў больш жорсткай міграцыйную палітыку Штатаў.
«Гэта абезгалоўліванне дэмакратыі, абезгалоўліванне свяшчэннага сімвала», — растлумачыў ідэю Радрыгес, нагадаўшы, што з абезгалоўліваннем апошнім часам асацыюецца «Ісламская дзяржава». «У абодвух выпадках — гэта экстрэмісты, так што я проста зрабіў параўнанне паміж імі», — прыводзіць Washington Post яго словы.
Выданне дадае, што сваю новую вокладку прадставіў і амерыканскі часопіс The New Yorker. Ілюстрацыя называецца «згаслая Свабода» і ўяўляе сабой затухлую паходню у руцэ ў статуі.
An early look at next week’s cover, “Liberty’s Flameout,” by John W. Tomac: https://t.co/qPXqZjuW1q pic.twitter.com/Uu6Hx4QdIC
— The New Yorker (@NewYorker) 3 февраля 2017 г.
@bajmedia
У Кыргызстане пачалі блакаваць TikTok
19.04.2024
У якіх краінах жыхары давяраюць СМІ: найбольшы давер у Японіі, найменшы ў Сербіі
02.07.2024
Журналісты з Украіны і Літвы заклікаюць забраць у Расіі ліцэнзію на амерыканскі часопіс Forbes
14.12.2023
Украінская журналістка выйграла суд супраць фігуранта свайго расследавання, які публічна яе зневажаў
29.01.2024
