Самы вядомы дылетант Беларусі пасля раптоўнай хваробы вяртаецца да падарожжаў
7 верасня 2016
Ужо ў першую суботу восені на сайце перадачы «Падарожжа дылетанта» з’явіўся новы эпізод пра прыгоды Юрыя Жыгамонта. Вядучы на некаторы час спыніў свае падарожжа па зацішным мястэчкам роднай краіны з-за хваробы. Цяпер з новай праграмай, з новымі накірункамі і цікавымі фактамі Юрый Жыгамонт будзе распавядаць пра мясцовыя гарады і вескі, каб пра гісторыю сваёй краіны мы ведалі больш, каб імкнуліся абудзіць сваю нацыянальную самасвядомасць.
Нагадаем, папулярная перадача Юрыя Жыгамонта спыніла выхад на канале СТБ з‑за складанай эканамічнай сітуацыі: у канала не знайшлося сродкаў, каб аплачваць выхад праграмы. За столькі гадоў існавання перадачы ў Юрыя з’явілася мноства прыхільнікаў, якія спадзяваліся яшчэ пачуць пазнавальныя гісторыі пра дзівосную Беларусь. Спыняць на гэтым сваю дзейнасць каманда праграмы «Падарожжа дылетанта» не захацела. Таму вандроўкі перайшлі ў фармат анлайн.
Ці ледзь паспелі выйсці першыя анлайн-перадачы, прысвечаныя, напрыклад, вёсцы Тракелі ў Гродзенскай вобласці, як акцёр і тэлевядучы Юрый Жыгамонт вясной гэтага года перажыў інфаркт. Родныя і блізкія, прыхільнікі Юрыя падтрымлівалі вядучага і спадзяваліся на яго выздараўленне. І неўзабаве пасля сур’ёзнага лячэння гэта адбылося. Каманда «Падарожжаў дылетанта» нарэшце абвесціла аб чарговым старце любімай многімі каларытнай праграмы.
«Шаноўныя аматары «Падарожжаў дылетанта»! Мы ўсцешаныя паведаміць вам, што суботнія вандроўкі па цікавых беларускіх мясцінах з Юрыем Жыгамонтам працягваюцца! Якуб Колас пісаў, што «добра быць у дарозе, якую сам сабе выбіраеш». Мы сваю выбралі. Можа, наша дарога з вашай акурат супадаюць? Калі так, то глядзіце нас на сайце zhygamont.by, ў прасторах інтэрнэту і сацыяльных сетках», – рыхтуецца да новага сезону каманда праграмы.
Перадача «Падарожжы дылетанта» існуе ўжо 15 гадоў. Праграма выходзіла на тэлеканалах БТ і СТБ з 2001 года. Было створана некалькі сотняў выпускаў пра вёскі і пасёлкі Беларусі. А ў 2012 годзе аўтара і вядучага праграмы Юрыя Жыгамонта Міністэрства культуры ўзнагародзіла нагрудным знакам «За ўклад у развіццё культуры Беларусі».
Дарэчы, праграма цалкам перайшла на сайт zhygamont.by. Новыя выпускі будуць з’яўляцца на гэтым рэсурсе штотыдзень, фармат застанецца ранейшым. І новы эпізод пра вёску Выдранка Краснапольскага раёну Магілёўскай вобласці ўжо ў першую суботу восені можна паглядзець на ўзгаданым сайце і канале перадачы ў YouTube:
https://www.youtube.com/channel/UCIrJQWE4E1Oi3Tu_xxZn_eQ
А таксама ў сацыяльных сетках:
@bajmedia
Генпракуратура завяла шэсць крымінальных спраў супраць супрацоўніка Радыё Свабода Сяргея Дубаўца
23.01.2024
Дэпутат нямецкага Бундэстагу Робін Вагенер напісаў адкрыты ліст Ігару Лосіку
20.05.2024
Вярхоўны суд пакінуў у сіле вырак Алесю Марчанку, асуджанаму па абвінавачанні ў супрацы з «Белсатам»
04.06.2024
1 студзеня дзень народзінаў адзначае за кратамі журналіст Ігар Карней. Яму спаўнілася 56 гадоў
01.01.2024
