Родныя журналіста Дзяніса Івашына не могуць даведацца, дзе ён знаходзіцца

Бацькам палітвязня Дзяніса Івашына вярнуліся абедзьве бандэролі, дасланыя на імя гарадзенскага журналіста. Прычыны вяртання на пошце не патлумачылі, а на пакунках указана таямнічая «даведка з ПК №15».

На адным з пакункаў з дазволенымі для дасылання вітамінамі ёсць дадатковая пазначка «няслушна аформ. вяртанне», а таксама чамусці дапісаны індэкс гарадзенскай турмы №1 з літарай Д (дасыл). З гэтай прычыны сваякі Дзяніса мяркуюць, што яго ізноў этапавалі ў Гародню, але яны не маюць ніякіх звестак пра тое, чаму гэта магло стацца.

Ад самога Івашына родныя не атрымлівалі лістоў з 8 лютага, і ён дагэтуль ні разу не патэлефанаваў сваякам з калоніі. Таму на дадзены момант невядома ані месцазнаходжанне палітвязня, ані стан яго здароўя.

Чытайце яшчэ:

БАЖ праводзіць апытанне аўдыторыі: прайдзіце яго і дапамажыце нам стаць лепш!

Праваахоўнікі шукаюць незалежнага журналіста, які даўно пераехаў у ЗША

У розных гарадах Беларусі за інтэрв’ю «экстрэмісцкім СМІ» распачынаюць крымінальныя справы