Рэдактары слуцкай газеты «Інфа-Кур’ер» выйшлі на волю
30 сакавіка 2023
Як стала вядома «Нашай Ніве», галоўны рэдактар і ўладальнік слуцкай незалежнай газеты «Інфа-Кур'ер» Сяргей Станкевіч і яго намеснік Алег Рубчэня выйшлі а волю пасля 15-сутачнага арышту.
Суд над медыйшчыкамі адбыўся 17 сакавіка ў памяшканні Слуцкага РАУС. Родных і калег затрыманых журналістаў на пасяджэнне не пусцілі. На працэсе прысутнічала толькі адвакат.
У той дзень суд Слуцкага раёна прызначыў Сяргею Станкевічу і Алегу Рубчэні па 15 сутак адміністрацыйнага арышту, прызнаўшы вінаватымі ў непадпарадкаванні міліцыі пры затрыманні.
Нагадаем, 15 сакавіка сілавікі правялі ператрус у офісе рэдакцыі «Інфа-Кур’ера», забралі ўсю асноўную тэхніку, а з прысутных узялі падпіску аб неразгалошванні. На наступны дзень наклад газеты адмаўляліся прымаць крамы «Белсаюздруку».
Чытайце яшчэ:
Два наступныя нумары слуцкай газеты «Інфа-Кур’ер» не выйдуць
«Есть понимание, что это вопрос выживания страны и нации». Украинская журналистка о медиа в условиях войны
Цэнзура, арышты, эміграцыя. Як працуюць журналісты ў Афганістане
@bajmedia
