Рэдактару «Інфа-Кур’ера» і яго намесніку прызначылі па 15 сутак арышту за непадпарадкаванне
17 сакавіка 2023
Сёння адбыўся суд над галоўным рэдактарам і ўладальнікам слуцкай незалежнай газеты «Інфа-Кур'ер» Сяргеем Станкевічам і яго намеснікам Алегам Рубчэнем. Як стала вядома Беларускай асацыяцыі журналістаў, суд Слуцкага раёна прызначыў медыйшчыкам па 15 сутак адміністрацыйнага арышту, прызнаўшы вінаватымі ў непадпарадкаванні міліцыі пры затрыманні.
Як паведамілі БАЖ, суд праходзіў у памяшканні Слуцкага РАУС. Родных і калег затрыманых журналістаў на пасяджэнне не пусцілі. На працэсе прысутнічала толькі адвакат.
Віну затрыманыя не прызналі.
Нагадаем, 15 сакавіка сілавікі правялі ператрус у офісе рэдакцыі «Інфа-Кур’ера», забралі ўсю асноўную тэхніку, а з прысутных узялі падпіску аб неразгалошванні. На наступны дзень наклад газеты адмаўляліся прымаць крамы «Белсаюздруку». Галоўны рэдактар і ўладальнік газеты Сяргей Станкевіч, а таксама яго намеснік Алег Рубчэня былі затрыманыя і да суда змешчаныя ў мясцовы ІЧУ.
Сёння рэдакцыя паведаміла, што нумар газеты «Інфа-Кур’ер» ад 16 сакавіка цяпер зноў можа набыць у шапіках «Белсаюздруку».
Чытайце яшчэ:
Журналіста Сяргея Сацука перавялі ў магілёўскую калонію
«Без нацыянальнага прымірэння нам не захаваць незалежнасці Беларусі». Адкрыты ліст Іосіфа Сярэдзіча
На фоне разгрому парэшткаў незалежнай прэсы міністр інфармацыі пахваліўся «прыбытковымі медыяхолдынгамі»
@bajmedia
З’явілася новае беларускае рэаліці-шоу: модныя фатографы паказваюць унутраную кухню сваіх фотасесій
24.01.2024
Праваабаронцы прызналі палітзняволенай актывістку і былую журналістку Аксану Ючкавіч
21.02.2024
У Магілёве пасля другога адміністрацыйнага арышту не выйшаў на волю Алесь Сабалеўскі
08.01.2024
У Расіі абвешчаныя ў вышук журналісты, вымушаныя з’ехаць з Беларусі праз пераслед
13.02.2024
