Падтрымайце палітзняволеных журналістаў Ірыну Леўшыну і Андрэя Аляксандрава

6 кастрычніка 2022 года ў Менскім абласным судзе быў абвешчаны вырак  па «справе БелаПАН» — найстарэйшага незалежнага інфармацыйнага агенцтва Беларусі.

Суддзя Вячаслаў Тулейка прыгаварыў да 4 гадоў пазбаўлення волі ў калоніі агульнага рэжыму дырэктарку — галоўную рэдактарку БелаПАН Ірыну Леўшыну і да 14 гадоў узмоцненага рэжыму былога намесніка дырэктара Андрэя Аляксандрава. Андрэй таксама аштрафаваны на 1000 базавых велічыняў (32 тысячы рублёў).

Яны абвінавачваюцца ў стварэнні экстрэмісцкага фармавання, якім КДБ Беларусі лічыць журналістаў БелаПАН. Аляксандраў таксама абвінавачваецца ў «здрадзе дзяржаве», нясплаце падаткаў у асабліва буйным памеры і падрыхтоўцы грамадзян для ўдзелу ў закалотах па ч. 2 арт. 342, што выражалася ў выплаце штрафаў удзельнікам пратэстаў.

Суд адбываўся ў закрытым рэжыме, таму ніякія дэталі працэсу грамадскасці невядомыя.

Ірына Леўшына працавала ў БелаПАН практычна з моманту яго заснавання ў 1991 годзе. Яна заўсёды прытрымлівалася прынцыпаў сумленнасці і свабоды слова. У судзе Ірына выступілі з магутным апошнім словам. Яна не прызнала сваю віну і заявіла, што працягне паведамляць праўду людзям — цяпер вусна. Яна перакананая, што праўда не бывае дзяржаўнай ці недзяржаўнай, а журналісты не павінны быць абслуговым персаналам.
 
Андрэй Аляксандраў — журналіст і медыямэнэджэр, былы намеснік дырэктара БелаПАН.

Сваю кар’еру журналіста ён пачаў у Наваполацку ў недзяржаўнай газеце «Хімік». У 2011 годзе Андрэй выйграў прэстыжную стыпендыю Chevening ад МЗС Вялікабрытаніі, па якой з’ехаў вывучаць медыямэнэджмэнт у магістратуры Вестмінстэрскага ўніверсітэта. Затым ён працаваў у Лондане ў офісах 19, але ў 2014 годзе пакінуў спакойнае жыццё ў Лондане дзеля здымак фільма аб падзеях на Данбасе, пасля чаго Андрэй вярнуўся ў Беларусь, дзе з 2014 па 2018 гады працаваў намеснікам дырэктара БелаПАН.
 
Андрэй — шматгадовы адданы заўзятар футбольнага клуба «Ліверпуль». У турме для ўзняцця духу ён кожны дзень спявае песню You’ll Nev­er Walk Alone, вядомую як гімн «Ліверпуля». Андрэй нават пераклаў яе на беларускую мову, назваўш «Ты ніколі не будзеш адзін».

Якая сума неабходна?

5000€ — Падтрымка палітвязняволеных журналістаў.

ПАТРЫМАЦЬ ЖУРНАЛІСТАЎ МОЖНА ТУТ

Чытайце яшчэ:

«Нельзя все бросить, потому что жертвы будут обесценены». В Германии проходит конференция с участием белорусских медиа

“Беларусь стала одной из самых опасных стран для журналистов в мире”. Интервью с Жанной Кавелие из “Репортеров без границ”

Журналісты Свабоды атрымалі найвышэйшую ўзнагароду Амэрыканскіх глябальных мэдыя