«Будучыня Беларусі»: стыпендыя ад Фонда Джона Сміта для маладых лідэраў у выгнанні (дэдлайн — 16 чэрвеня)

Фонд Джона Сміта прымае заяўкі на спецыяльную стыпендыяльную праграму для беларускіх лідэраў, якія жывуць у выгнанні і працуюць дзеля свабоднай і мірнай будучыні сваёй краіны.

Фота: Domini­ka Gre­gus / pexels.com

Стыпендыяльная праграма «Будучыня Беларусі» дае магчымасць вывучаць пытанні эфектыўнага кіравання, сацыяльнай справядлівасці і вяршэнства закона, а таксама інклюзіўнасці ва ўстановах Велікабрытаніі.

Арганізатары маюць намер аб’яднаць выключных беларускіх прафесіяналаў з розных сектараў, уключаючы грамадзянскую супольнасць, журналістыку, палітыку, сацыяльнае прадпрымальніцтва, адукацыю і бізнес. 

Калі: з кастрычніка 2024 года да канца лютага 2025 года. 

Дзе: анлайн і адзін тыдзень афлайн у Велікабрытаніі.

Прымаюцца заяўкі ад грамадзян Беларусі ва ўзросце 25–35 гадоў, якія зараз жывуць у выгнанні. Неабходна свабоднае валоданне англійскай мовай. Кандыдаты павінны прадэманстраваць свой патэнцыял у якасці лідэра ў абранай прафесійнай сферы, адданага пабудове больш справядлівага, устойлівага і інклюзіўнага грамадства ў Беларусі.

Больш інфармацыі пра праграму — па спасылцы

Працэс падачы заяўкі складаецца з онлайн-формы заяўкі, онлайн-інтэрв’ю для тых, хто ўвайшоў у шорт-ліст, і апошняга этапу асабістага інтэрв’ю.  

ПАДАЦЬ ЗАЯЎКУ

Прыём заявак заканчваецца 16 чэрвеня 2024 года.

Абраныя стыпендыяты акрамя ўдзелу ў асноўнай праграме групавых семінараў і візітаў будуць мець індывідуальна адаптаваную праграму сустрэч. Пасля завяршэння праграмы удзельнікі далучацца да супольнасці John Smith Fel­lows і атрымаюць магчымасць удзельнічаць у сеткавых мерапрыемствах.