Школа відэакантэнту ад Фонда Томсана (дэдлайн — 18 ліпеня)
Школа відэакантэнту, арганізаваная Фондам Томсана, пройдзе ў Варшаве з 6 па 10 жніўня. Рэгістрацыю працягнулі да 18 ліпеня.
![](https://khdbz39sm.shop/wp-content/uploads/2024/07/video-1024x585.webp)
Ілюстрацыя створана БАЖ з выкарыстаннем ChatGPT
Гэта праект для моладзі, якая хоча ствараць кантэнт у YouTube і TikTok.
У першую чаргу чакаюць удзельнікаў ва ўзросце ад 18 да 25 гадоў, якія жадаюць паспрабаваць свае сілы ў медыях, не абавязкова маючы медыйную экспертызу. Па прычынах бяспекі да ўдзелу запрашаюцца тыя, хто стала пражывае за межамі Беларусі.
Праграма
- Асновы стварэння відэасцэнара для платформаў YouTube ці TikTok.
- Структура добрай гісторыі.
- Асновы інтэрв’ю.
- Тэхніка і праграмы для здымкі і мантажу на мабільным тэлефоне і планшэце.
Спікеры: вядучыя практыкі стварэння і прасоўвання відэакантэнту ў YouTube і TikTok з Беларусі, Украіны, Грузіі і Германіі.
Умовы: арганізатары аплочваюць дарожныя расходы, пражыванне, ежу.
Дэдлайн рэгістрацыі: да 18 ліпеня 2024 года, да 16:00 па цэнтральнаеўрапейскім часе (CET).
Дадатковыя пытанні можна задаць тут: hannay@thomsonfoundation.org
![](https://khdbz39sm.shop/wp-content/themes/baj/assets/images/telegram-logo.jpg)