Цікавая праграма «Журналістыка для вырашэння задач будучыні» у Рызе (Рэгістрацыя да 28 ліпеня)
23 ліпеня 2018
У 2018 годзе ў чарговы раз OCCRP (Праект па расследаванні карупцыі і арганізаванай злачыннасці) разам з медыяцэнтрам Стакгольмскай школы эканомікі ў Рызе арганізуе навучальную праграму «Журналістыка для вырашэння задач будучыні».
Праграма разлічана на пачаткоўцаў журналістаў/к, якія хацелі б асвоіць новыя прыёмы журналістыкі з акцэнтам на праблематыцы карупцыі і аргзлачыннасці, а таксама пашырыць свае прафесійныя сувязі. Выдаткі пакрываюцца арганізатарамі. Апошні тэрмін падачы заяўкі на ўдзел у праграме — 28 ліпеня 2018 года.
Праграма прадугледжвае інтэнсіўны графік заняткаў, якія будуць весці журналісты/кі, рэдактары/кі і іншыя прафесіяналы СМІ з велізарным вопытам работы, у тым ліку ў міжнароднай сферы.
Мерапрыемствы праграмы «Журналістыка для вырашэння задач будучыні» 2018 году адбудуцца ў Рызе, прычым курс навучання разбіты на тры модуля. Час іх правядзення: з 3 па 7 верасня 2018 года, з 26 па 30 лістапада 2018 года і з 25 па 29 сакавіка 2019 года.
Трэнінгі будуць прысвечаны такім тэмам, як базавыя навыкі журналістыкі даследаванняў, планаванне і рэалізацыя праектаў, тыповыя схемы функцыянавання аргзлачыннасці і карупцыі, асабістая бяспека журналіста, сучасныя метады пошуку і аналізу дадзеных у інтэрнэце, тэхналогіі шыфравання, абарона крыніц інфармацыі, захаванне этычных прынцыпаў, візуальная журналістыка.
Максімальны лік удзельнікаў/ц праграмы — 20 чалавек, усе выдаткі арганізатары бяруць на сябе. Удзельнікі і ўдзельніцы абавязаны наведаць усе тры навучальных модуля.
Кандыдаты і кандыдаткі павінны задавальняць наступным патрабаванням:
-
мець грамадзянства Расіі, Арменіі, Азербайджана, Беларусі, Грузіі, Малдовы, Украіны;
-
быць пачаткоўцам і мець імкненне здабыць дадатковыя навыкі журналістыкі даследаванняў (папярэдні вопыт у гэтай сферы неабавязковы, аднак кандыдаты/кі павінны мець за плячыма пэўную практыку журналісцкай працы);
-
перавага аддаецца кандыдатам/кам ва ўзросце ад 20 да 35 гадоў;
-
праяўляць актыўную цікавасць да журналістыцы;
-
упэўнена валодаць пісьмовай і вуснай ангельскай;
-
мець уласны кампутар, так як пытанне інфармацыйнай бяспекі — важны элемент курсу навучання.
Крыніца і фота: mediaforfuture.lv
БАЖЫНКІ сёлета адбудуцца ў маёнтку Агініскіх у Залессі 3–4 жніўня. Рэгістрацыя!
@bajmedia
