• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Бясплатныя юрыдычныя кансультацыі для беларусак_аў

    Служба «Адно акно» запускае новую паслугу — магчымасць бясплатна і ананімна атрымаць кансультацыю па юрыдычных пытаннях.

    Фота: MART PRODUCTION / pexels.com

    Сацыяльная служба дапамогі беларусам і беларускам «Адно акно» ў супрацоўніцтве з Беларускай асацыяцыяй адвакатаў правоў чалавека ў Літве распачынае гарачыя лініі з дзяжурствамі адвакатак_аў. Некалькі разоў на месяц у беларусаў і беларусак у краіне і за яе межамі будзе магчымасць ананімна і бясплатна атрымаць юрыдычную кансультацыю.

    Першая сесія запланавана на 5 красавіка з 15:00 да 17:00 па беларускім часе.

    Як атрымаць кансультацыю?

    • дастаткова зрабіць адзін званок па спасылцы, каб ананімна задаць свае пытанні.

    З якімі запытамі можна звяртацца?

    • грамадзянска-прававыя пытанні (нерухомасць, правы спажыўцоў, спадчына і тэстаменты);
    • сямейнае права (развод, аліменты, падзел маёмасці, апякунства і г.д.);
    • адміністрацыйнае права (штрафы, абскарджанні, пазбаўленне правоў, рэгістрацыя бізнесу);
    • абарона правоў у сферы сацыяльных паслуг;
    • крымінальнае права (кансультацыі і абарона па справах аб ДТЗ, крадзяжах і іншых злачынствах, дапамога пры затрыманні і арышце, працэдуры змякчэння пакарання, амністыя і да т.п.).

    Ці бяспечна гэта?

    Так, таму што аператаркі на лініі не запісваюць і не захоўваюць дадзеныя пра званкі карыстальнікаў. Усе званкі праходзяць праз бяспечную платформу з выкарыстаннем сучасных пратаколаў шыфравання, што выключае магчымасць праслухоўвання ці перахоплівання дадзеных трэцімі асобамі.

    За далейшымі дэталямі дзяжурстваў і атрыманнем доступу да юрыдычнай падтрымкі сачыце ў афіцыйных акаўнтах «Аднаго акна» ў сацыяльных сетках:

    • Гарачая лінія: https://by.social
    • Служба «Адно акно» ў Telegram
    • Служба «Адно акно» ў Insta­gram
    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці