Адкыты прыём заявак на ўзнагароду для відэажурналістаў Hinzpeter Awards 2023 (дэдлайн да 21 ліпеня)
5 ліпеня 2023
Узнагароду прысуджаюць відэажурналістам, якія асвятляюць і паведамляюць пра дэмакратыю, правы чалавека і мір у глабальным полі. Пераможца ў кожнай катэгорыі атрымае 10 000 долараў ЗША.
Прэмія Hinzpeter Awards была заснаваная Фондам «18 траўня» і Карэйскай асацыяцыяй відэажурналістаў у 2021 годзе.
Тады пераможцам стаў дакументальны фільм беларускага журналіста і і дакументаліста Міхаіла Аршынскага пра пра палітычную кампанію-2020 «Не бойся».
Прэмія названа ў гонар нямецкага відэарэпарцёра Юргена Хінцпетэра, які распавёў пра падзеі ў горадзе Кванджу 18 траўня 1980 года. Тады адбылося паўстанне супраць дыктатуры, што панавала апошнія дзесяцігоддзі. Хоць горад быў ачэплены вайскоўцамі, Юрген Хінцпетэр здолеў вывезці відэаматэрыялы, і такім чынам увесь свет даведаўся пра злачынствы палітычнага кіраўніцтва Паўднёвай Карэі тых часоў.
На конкурс прымаецца відэа, што было ўпершыню паказана на тэлебачанні і інтэрнэт-СМІ ў перыяд з 1 чэрвеня 2022 года па 30 чэрвеня 2023 года.
Узнагароды Hinzpeter Awards прызначаюцца у чатырох катэгорыях. Тры конкурсныя катэгорыі (The World at A Crossroads Award, Award for News і Award for Features) і адну пазаконкурсную катэгорыю (прэмія MAY GWANGJU). Прызавы фонд ў кожнай з іх — 10 000 долараў ЗША. Пераможцаў абвесцяць у верасні і запросяць на цырымонію ўзнагароджання: сёлета яна адбудзецца 8 лістапада ў Сеўле.
Даведацца пра падрабязнасці і падаць заяўку можна тут
@bajmedia
За кароткі час беларусы сабралі грошы на паліятыўную дапамогу для журналіста Вадзіма Доўнара
15.08.2024
Сербія павінна вызваліць Андрэя Гнёта і аказаць яму медыцынскую дапамогу — CPJ
15.05.2024
Апеляцыйную скаргу Настассі Мацяш Вярхоўны суд разгледзіць 28 чэрвеня
25.06.2024
Крымінальная справа супраць Юрыя Дракахруста, Ганны Любаковай і яшчэ 18 чалавек перададзена ў Генпракуратуру
28.03.2024
