«Калі Пачобута адпусцяць заўтра, то пераход у «Баброўніках» будзе адкрыты паслязаўтра», — кіраўнік МУС Польшчы
23 сакавіка 2023
Міністр унутраных спраў і адміністрацыі Марыюш Камінскі заявіў, што беларускі бок атрымаў выразны сігнал аб тым, што пакуль Андрэй Пачобут знаходзіцца ў турме, будзе закрыты памежны пераход у Баброўніках.
Міністр сказаў, што калі беларускі рэжым будзе прымаць меры супраць Польшчы і польскага народа ў Беларусі, то гэта сустрэнуць жорсткім адказам.
«Беларускі бок мае поўную яснасць у гэтым пытанні. Калі Андрэй Пачобут заўтра будзе вызвалены, паслязаўтра будзе адкрыты праход у Баброўніках», — сказаў міністр.
Памежны пераход «Баброўнікі» на мяжы з Беларуссю быў закрыты польскай дзяржавай 10 лютага 2023 года ў адказ на вынясенне 8‑гадовага прысуду журналісту і польскаму актывісту ў Беларусі Андрэю Пачобуту.
Да закрыцця «Баброўнікі» былі адным з найбуйнейшых памежных пераходаў на польска-беларускай мяжы. Пасля гэтага жыхарам Гродзенскай вобласці даводзіцца ездзіць у Польшчу праз Літву ці праз Брэст.
23 лютага 2023 года міністр абароны Польшчы Марыюш Блашчак заявіў, што Польшча пачала «прэвентыўнае пашырэнне мер бяспекі» на мяжы з Беларуссю і Расіяй. А 9 сакавіка палякі пасля ўзвядзення ўмацаванняў на мяжы з расійскай Калінінградскай вобласцю перайшлі і да абсталявання мяжы з Беларуссю.
Чытайце яшчэ:
На галоўнага рэдактара «Рэгіянальнай газеты» Аляксандра Манцэвіча завялі крымінальную справу. Яго пераводзяць у СІЗА
Суд вызначыў 3 гады калоніі для Дзмітрыя Семчанкі
Патрэбна дапамога сям’і Сяргея Сацука, палітвязня журналіста-расследавальніка
@bajmedia
