Уладзімір Лапцэвіч: З‑за мяжы таксама можна працаваць на аўдыторыю ў Беларусі

Сябра Прававога цэнтра Беларускай асацыяцыі журналістаў Уладзімір Лапцэвіч лічыць, што ў Беларусі няма ўжо незалежнай журналістыкі. Засталіся толькі паасобныя незалежныя журналісты. Аднак, на ягоную думку, з‑за мяжы таксама можна працаваць на аўдыторыю ў Беларусі.

«Давайце ўзгадаем часы, калі не было інтэрнэта. Быў радыёэфір. Штодня розныя радыёстанцыі — тая ж самая Свабода, Нямецкая хваля, ВВС і гэтак далей — вяшчалі на Беларусь, якая ў той час была ў складзе Савецкага Саюзу. Людзі слухалі. Таму справа данясення інфармацыі  была і тады, калі людзі, то бок журналісты, не мелі тых магчымасцяў, якія мы маем цяпер. Сёння мы маем і інтэрнэт, і розныя мэсэнжэры — тэлеграм-каналы, Face­book, YouTube і гэтак далей. Таму гэта прасцей стала. Іншая справа, што новыя падыходы змагання з боку вось гэтых структур з’явіліся», — кажа ў каментары для Pol­skie Radio Уладзімір Лапцэвіч.

Лапцэвіч адзначае, што беларускія медыя за мяжой па-ранейшаму арыентаваны на спажыўца ў Беларусі, нягледзячы на тое, што частка наратываў датычацца дыяспары.

Цалкам меркаванне Уладзіміра Лапцэвіча слухайце тут.

Чытайце яшчэ:

Шлях да Беларусі ляжыць праз перамогу ва Украіне? Дыскусія пра тое, як утрымаць наш інфармацыйны парадак у свеце

Беларусь згадваецца як адна з трох найбуйнейшых турмаў для журналістаў. «Рэпарцёры без межаў» падрыхтавалі сумную справаздачу

Не без агаворак і выключэнняў. У Еўропе дасягнулі важнага пагаднення аб рэгуляванні ў медыясферы