Улады хочуць адабраць стары дамен. Мы змянілі пошту і сайт!

Амаль 20 гадоў сайт Беларускай асацыяцыі журналістаў размяшчаецца па адрасе baj.by і застаецца галоўнай крыніцай інфармацыі пра падзеі, выклікі, трэнды і магчымасці ў галіне медыя.

Сёлета наша каманда істотна пашырылася: цяпер мы не толькі пішам навіны, аналітыку і крутыя тэксты, уздымаем дыскусійныя тэмы і збіраем усе магчымасці для медыйшчыкаў, але і робім усё гэта ў відэа на ТікТоку.

Аднак цяпер мы сутыкнуліся з пагрозай адабрання беларускімі ўладамі нашага любімага даменнага імя Baj.by. Актыўныя дзеянні ўладаў у гэтым напрамку пачаліся адразу пасля апублікавання намі пазіцыі адносна правядзення Форуму аб кіраванні інтэрнэтам.

Разумеючы небяспеку, ад сёння сайт БАЖ пераехаў на новы міжнародны адрас.

БАЖ —  гэта пра медыя. Таму наш сайт цяпер — baj.media. Мы просім усіх запомніць яго, замяніць яго ў закладках і падпісках ужо цяпер!  БАЖ — baj.media.

Наша электронная пошта таксама змяняецца. Просім вас замяніць яе ў кантактах ужо цяпер, каб вашыя лісты памылкова не трапілі да ўладаў:

Асноўная паштовая скрыня арганізацыі і рэдакцыі сайта: office@baj.media 

Адрас для міжнародных кантактаў: intercomm@baj.media

Чытайце яшчэ:

Доклад БАЖ: Беларусь 2022–2023. Права человека. Гражданское общество. Медиа

У Tut.by з’явіўся новы ўладальнік? Хтосьці нядаўна абнавіў стан дамена

Алег Груздзіловіч: «Калі мяне катавалі,то сказалі спаць на драўлянай падлозе»