У Варшаве прайшоў пікет у падтрымку зняволеных беларускіх журналістаў

Падчас пікету супрацоўнікі «Белсату» і іншыя беларускія медыйшчыкі патрабавалі вызвалення Ірыны Слаўнікавай, а таксама журналістаў тэлеканалу, якія знаходзяцца за кратамі

— Мы дамагаемся павелічэння санкцый супраць тых асоб, якія адказныя за парушэнні правоў чалавека, — заявіла на пікеце дырэктар тэлеканала «Белсат» Агнешка Рамашэўская-Гузы.

Спадарыня  Рымашэўская-Гузы заклікала калегаў да салідарнасці, цярплівасці і надзеі.

— Іра, Каця, спадар Уладзімір Мацкевіч, Дар’я Чульцова, нашы калегі з іншых СМІ, прафесіяналы, патрыёты, адданыя справе людзі. Менавіта такіх людзей беларуская хунта — гэта нават не рэжым, гэта хунта, якая ўтрымлівае ўладу сілай пасля ганебна прайграных выбараў — садзіць за краты альбо выштурхоўвае з краіны! –  заявіў намеснік дырэктара «Белсату» Аляксей Дзікавіцкі.

Беларускія журналісты перадалі петыцыю ў прадстаўніцтва Еўракамісіі.

— Мы, журналісты тэлеканала «Белсат», звяртаемся да Еўракамісіі з петыцыяй у справе ўвядзення персанальных санкцыяў супраць усіх функцыянераў і супрацоўнікаў служб, судовай і пенітэнцыярнай сістэм, датычных да пераследу незалежных медыяў у Беларусі», — было сказана ў дакуменце.

Журналістцы Кацярыне Андрэевай у ліпені прысудзілі 8 гадоў калоніі за «здраду радзіме». Прысуд журналістцы Ірыне Слаўнікавай павінны агучыць заўтра. Пракурор запатрабаваў для яе 4 гады калоніі.

Чытайце яшчэ:

“Мне страшна ацэніць гэтыя страты колькасна”: паспрабавалі высветліць, чаму «Белсат» выдаляе праграмы Сяргея Будкіна

Да юбілею Тацяны Сапач выйшла яе вялікая кніга

Суд у Гомелі: няволя за фотаздымак расійскай вайсковай тэхнікі ў цэнтры горада