У Мінску з аншлагам адкрылася фотавыстава Punktum выпускнікоў адукацыйнага курса ГА «БАЖ»

10 лепшых фотагісторый беларускіх аўтараў прадстаўленыя ў экспазіцыі Літаратурнага музея Петруся Броўкі (г. Мінск, вул. К. Маркса, 30). На адкрыццё выставы прыйшло вельмі шмат людзей. Cпадзяемся, выстава як плён навучання і працы натхняе наведнікаў да засваення новых кампетэнцый (а адукацыйныя курсы ГА «БАЖ» даюць добрыя магчымасці ў прафесійным развіцці) і творчых  эксперыментаў.

Фотавыстава Punk­tum — гэта гісторыі пра сталенне, адзіноту, асацыяцыі і ўспаміны пра родны горад, суперажыванне чалавеку…

Аўтары работ:

• Аляксандр Чугуеў

• Таццяна Свірэпа

• Святлана Станкевіч

• Ксенія Галубовіч

• Марк Жыгман

• Аляксей Скрыннікаў

• Марыя Амеліна

• Аляксандр Сідарэўскі

• Алеся Рудовіч

• Вікторыя Якімава.

Падчас адкрыцця выставы куратар адукацыйнага курса, фатограф Сяргей Балай заўважыў, што аўтары ў працэсе працы над праектамі раскрываюцца абсалютна нечакана. І нават рэпартажнікі са сфармаваным поглядам на фатаграфію ўрэшце знаходзяць тыя кропкі апоры, якія дазваляюць стварыць прыгожую фотагісторыю з пачуццямі і вобразамі.

Наведаць выставу, якая праходзіць у Літаратурным музеі Петруся Броўкі (г. Мінск, вул. К. Маркса, 30), можна да 2 сакавіка.

Бліжэйшым часам сайт ГА «БАЖ» пачне публікаваць работы выпускнікоў адукацыйнага курса Сяргея Балая і Паўла Волкава “Фотагісторыя па пунктах”.

Абмеркаваць тэкст можна на старонцы ў FB

Падпісацца на наш Telegram-канал можна ТУТ

#punktum16plus

Кому и как продавать работы — полезные советы от фотографа, который снимает для BBC

Фотапраект «Маладосць. Беларусь»