У Магілёве затрымалі журналіста Аляксандра Буракова (старэйшага)
5 жніўня 2020
Служба маніторынгу ГА "Беларуская асацыяцыя журналістаў"
Сёння ўвечары ў Магілёве міліцыя затрымала журналіста, сябра ГА “БАЖ” Аляксандра Буракова (старэйшага).
Супрацоўнікі ДАІ спынілі аўтамабіль журналіста каля 19.00 на вуліцы Касманаўтаў.
Буракоў паспеў паведаміць калегам, што падставай для дагляду аўтамабіля праваахоўнікі назвалі неабходнасць праверыць, ці не перавозіць журналіст кантрафактны алкаголь.
Пасля міліцыянты захацелі праверыць ідэнтыфікацыйны нумар машыны (VIN) і чамусьці вырашылі, што ён можа быць фальшывым.
На гэтай падставе Аляксандра Буракова затрымалі і даставілі ў Ленінскі РАУС Магілёва.
Прадстаўнікі ГА “БАЖ” зараз знаходзяцца каля будынка РАУС, каб адсочваць далейшае развіццё сітуацыі.
Дарэчы, заўтра ў Аляксандра Буракова Дзень нараджэння.
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
Больш матэрыялаў
Фільм Белсату «Святая вада» ўзнагароджаны на польскім конкурсе Dokument.pl
13.12.2023
Францыя забараніла некалькім беларускім журналістам працаваць на Алімпіядзе — СМІ
22.07.2024
Старонкі Hrodna.life, «Салідарнасці», «Белсата»: папоўніўся «экстрэмісцкі спіс» Мінінфарма
09.04.2024
Суд у Брэсце надаў экстрэмісцкі статус незалежнаму сайту і акаўнтам мясцовых СМІ ў сацсетках
16.02.2024
