У Берліне і Бруселі пакажуць дакументальны фільм, прысвечаны 15-годдзю «Белсата»
6–9 снежня 2022 года ў Берліне і Бруселі прадстаўнікі тэлеканалу «Белсат» і фонду «Зона салідарнасці» возьмуць удзел у паказе дакументальнага фільму, прысвечанага 15-годдзю тэлеканалу. Таксама адбудуцца экспертныя дыскусіі з удзелам еўрапейскіх палітыкаў.
Падчас візіту ў Нямеччыну і Бельгію прадстаўнікі «Белсата» прэзентуюць дакументальны фільм Мар’юша Піліса «Белсат. Mission Freedom» аб працы тэлеканала, які неўзабаве адзначыць 15-годдзе.
7 снежня ў Берліне адбудуцца паказ фільму і дыскусіі з удзелам дырэктаркі тэлеканалу «Белсат» Агнешкі Рамашэўскай-Гузы, журналісткі «Белсату» і былой палітзняволенай Дарʼі Чульцовай, сябра Абʼяднанага пераходнага кабінету Паўла Латушкі, кіраўніцы Інстытуту Пілецкага ў Берліне Ганны Радзеёўскай.
9 снежня экспертная дыскусія і паказ фільму пройдуць у Бруселі. Удзел возьмуць кіраўнік групы ў справе каардынацыі «Усходняга партнёрства» Еўрапейскай камісіі Матэ Чычаі, былы амбасадар ЕЗ у Беларусі Дырк Шубэль, прадстаўнік Нямецкага фонду Маршала Барт Шэўчык.
У часе візіту ў Нямеччыну і Бельгію прадстаўнікі тэлеканала будуць дамагацца ўзмацнення ціску з боку ЕЗ на ўлады Беларусі, каб у выніку былі вызваленыя палітычныя вязні, сярод якіх і былыя журналісты «Белсату».
На дзень 6 снежня ў Беларусі 1444 асобы прызнаныя палітычнымі вязнямі, за кратамі застаюцца 32 журналісты.
Чытайце яшчэ:
Навошта ліць слёзы па «Дажджы». Або для каго працуюць расійскія медыя за мяжой
«Я быў супраць, тым не менш рабіў недастаткова…» Вялікая гутарка з рэдактарам расійскага незалежнага выдання Republic
«Мае ўзнагароды МУС Беларусі і грамату ДАІ». Расказваем пра журналіста, якога судзяць у «справе Зельцара»
![](https://khdbz39sm.shop/wp-content/themes/baj/assets/images/telegram-logo.jpg)