«Справа рэгнумаўцаў”: суд прызнаў фігурантаў вінаватымі, але іх вызвалілі ў зале суда
1 лютага 2018
Юрыя Паўлаўца, Дзмітрыя Алімкіна і Сяргея Шыптэнку прызналі вінаватымі ў парушэнні артыкула 130 Крымінальнага кодэкса — распальванне варожасці паводле нацыянальнай прыналежнасці у складзе групы.
Асуджаных вызвалілі з-за кратаў у судовай зале (змененая мера стрымання). Паўлавец, Алімкін, Шыптэнка пакараныя 5 гадамі пазбаўлення волі з адтэрміноўкай на 3 гады. Да ўступлення выраку ў сілу асуджаныя будуць знаходзіцца пад падпіскай аб нявыездзе.
Што азначае “справа рэгнумаўцаў” для медыясупольнасці? Выказваюцца Класкоўскі, Давыдзька, Бастунец, Пачобут, Пальчыс
Пасля абвяшчэння выраку Сяргей Шыптэнка заявіў, што будзе абскарджваць прысуд і працягне супрацоўнічаць з расійскімі сайтамі.
Шыптэнка сказаў, што гэта (судовы працэс — рэд.) была неадэкватная рэакцыя на выказаныя імі меркаванні і словы.
«Я спадзяюся, што фундаментальныя правы і свабоды, якія даліся нам такой дарогай цаной, не будуць страчаныя», — заявіў Шыптэнка.
Ад ранейшага абвіначання ў незаконнай прадпрымальніцкай дзейнасці дзяржаўнае абвінавачанне адмовілася ў ходзе судовага працэсу. Пракурор Аляксандр Кароль папрасіў пакараць падсудных 5 гадамі пазбаўлення волі з адтэрміноўкай на 3 гады.
Прысуд пачалі агалошваць у Мінскім гарадскім судзе а 14‑й гадзіне.
Падчас папярэдняга следства мужчыны ўжо правялі за кратамі больш за год. Яшчэ адзін фігурант справы, шэф-рэдактар Regnum Юры Баранчык, на запыт беларускага боку быў затрыманы ў сакавіку 2017 года ў Маскве, але неўзабаве яго вызвалілі. На Баранчыка ў Беларусі завялі асобную крымінальную справу.
За што судзяць аўтараў расейскага сайту Regnum. Цытаты з артыкулаў
Прокурор огласил обвинения по делу авторов Regnum ТЕКСТ ОБВИНЕНИЙ
Пракурор запатрабаваў для аўтараў Regnum па 5 год турмы з адтэрміноўкай (АБНОЎЛЕНА)
Фота «Радыё Свабода»
@bajmedia
Міністр інфармацыі заявіў, што ў Беларусі абмежавалі доступ да 5 тысяч «экстрэмісцкіх» рэсурсаў
23.09.2024
Прапагандыст Дзермант стаў галоўным рэдактарам навуковага гістарычнага часопіса
10.05.2024
Праект «Чаго брэшаш?», які займаецца разборам прыёмаў дзяржпрапаганды, прызнаны «экстрэмісцкім фарміраваннем»
11.04.2024
Блогерка Алена Янушкоўская пра продаж уладамі яе хаты: Маёмасць ацанілі нашмат ніжэй за рынкавы кошт
16.05.2024
