Праверку наконт збіцця Паўла Дабравольскага зноў працягнулі на месяц
30 сакавіка 2016
Як паведамлялася, 25 сакавіка скончыўся двухмесячны тэрмін, адведзены Следчаму камітэту (СК) на праверку з нагоды збіцця журналіста TUT.BY Паўла Дабравольскага.
Следчыя абяцалі з дня на дзень праінфармаваць збітага журналіста, ці завядуць крымінальную справу супраць АМАПаўцаў. Але ў сераду карэспандэнт TUT.BY атрымаў чарговую пастанову – аб падаўжэнні тэрміну праверкі да 25 красавіка.
Дакумент падпісаны намеснікам начальніка аддзела следчага ўпраўлення УСК па Мінску Сямёнам Піцко.
Сам Павел Дабравольскі, між тым, не губляе надзеі, што вінаватыя ў збіцці міліцыянты ўсё ж панясуць пакаранне і праверка скончыцца прыцягненнем вінаватых у прымяненні сілы да адказнасці.
25 студзеня ў пачатку судовага пасяджэння па «справе графіцістаў» моладзевыя актывісты разгарнулі расцяжку з надпісам «Не – палітычным пераследам». Іх вывелі з залы суда і павялі па калідоры, дзе іх пачаў здымаць на відэа журналіст Павел Дабравольскі. Яго разам з актывістамі завялі ў пакой, збілі, пасля даставілі ў Фрунзенскі РУУС, склалі пратаколы аб адміністрацыйных правапарушэннях, а затым прыгаварылі да штрафаў у тым жа судзе Фрунзенскага раёна па арт. 17.1 (дробнае хуліганства) і арт. 23.34 (непадпарадкаванне законнаму патрабаванню службовай асобы) КаАП.
СК вярнуў збітаму журналісту Дабравольскаму тэлефон, але замест Android 6.0.1 на ім быў устаноўлены 5.1.1
@bajmedia
Ініцыятыву дапамогі палітвязням прызналі «экстрэмісцкім фарміраваннем» — у тым ліку сайт politzek.me і афіляваныя з ім сацсеткі
03.04.2024
Улады ўсё ж узяліся за жудасныя газеты, якія раскідваюць мінчукам. Справай займаюцца сілавікі
12.06.2024
Міністр Маркаў расказаў, як яго дачка трапіла на тэлебачанне
21.10.2024
Магілёўскі журналіст Сяргей Антонаў мусіў выехаць за мяжу пасля допытаў у КДБ
15.12.2023
