Прапагандысты вырашылі не замарочвацца з пошукам спікераў. Вось як выглядалі тыя, хто ачарняў Бяляцкага на БТ
5 мая 2023
На БТ выпусцілі сюжэт пра беларускіх нобелеўскіх лаўрэатаў. У ім прапаганда спрабуе дыскрэдытаваць Алеся Бяляцкага і Святлану Алексіевіч. Але ўвагу звяртае іншае, піша "Наша Ніва".
Невядомыя ў капюшонах, у зацемненым пакоі і са змененым голасам — адзіныя суразмоўцы, якіх знайшла прапаганда. Відаць, сапраўдныя людзі адмовіліся ўзводзіць паклёп на вясноўцаў на камеры БТ.
Вядучая Кацярына Ціхамірава здзекліва кажа пра Бяляцкага, што яго «прэміравалі санаторна-курортным лячэннем за дзяржрахунак на шконцы». Праваабаронцу, нагадаем, далі 10 год калоніі (вясноўцаў абвінавацілі ў «кантрабандзе арганізаванай групай» і «фінансаванні групавых дзеянняў, якія груба парушаюць грамадскі парадак», хоць па сутнасці пераследавалі за дапамогу рэпрэсаваным). За кратамі Бяляцкі з ліпеня 2021-га.
Летась Алесь Бяляцкі атрымаў Нобелеўскую прэмію. Гэту ўзнагароду прысудзілі яму, а таксама праваабаронцам расійскага «Мемарыяла» і ўкраінскага «Цэнтра грамадзянскіх свабод».
Чытайце яшчэ:
Апублікаваны індэкс свабоды прэсы-2023: Беларусь апусцілася на чатыры пазіцыі
«Я застаюся, каб тым, хто зараз за кратамі, і тым, хто быў вымушаны з’ехаць, было куды вяртацца»: погляд журналістаў знутры краіны
Улады імкнуцца знішчыць незалежную журналістыку ў Беларусі. Зварот БАЖ
@bajmedia
Міжнародны камітэт па расследаванні катаванняў у Беларусі падрыхтаваў спецпраект да гадавіны жнівеньскіх падзей
07.08.2023
«Для гісторыі». Фатограф-дакументаліст Аляксандр Васюковіч расказаў, як вынес з Валадаркі малюнкі Алеся Пушкіна
15.05.2024
КДБ прызнаў «экстрэмісцкімі фармаваннямі» медыі Магілёўшчыны
05.12.2023
Власти Литвы: Процедура депортации журналиста Олега Борщевского не начиналась
01.04.2024
