Філосаф Уладзімір Мацкевіч пасля аперацыі зноў пераведзены ў турму
18 жніўня 2023
На пачатку жніўня вядомаму філосафу, які знаходзіцца ў зняволенні, была зроблена планавая аперацыя. Некаторы час ён знаходзіўся ў шпіталі ў Калядзічах (Мінскі раён). Цяпер жа яго зноў перавялі ў турму, паведамляецца ў акаўнце Уладзіміра Мацкевіча ў Facebook.
Як стала вядома 7 жніўня, філосафа перавязлі ў Рэспубліканскі шпіталь для планавай аперацыі, пасля якой ён праходзіў аднаўленчы перыяд.
Сёння, 18 жніўня, з’явілася паведамленне, што палітзняволенага зноў перавялі ў турму №4 (Магілёў).
Уладзімір Мацкевіч — беларускі філосаф і метадолаг быў затрыманы 4 жніўня 2021 года. Яму выставілі абвінавачанне ў «арганізацыі дзеянняў, якія груба парушаюць грамадскі парадак» (арт. 342 КК).
Канчатковае абвінавачанне было ўжо па трох артыкулах Крымінальнага кодэкса. У выніку Уладзімір Мацкевіч быў асуджаны да пяці гадоў зняволення ў калоніі ўзмоцненага рэжыму.
Спярша філосаф адбываў пакаранне ў Шклоўскай ПК №17, але напачатку 2023 года яму змянілі рэжым утрымання на больш жорсткі і перавялі ў магілёўскую турму №4.
МУС уключыў Уладзіміра Мацкевіча у спіс асоб, якія датычныя да экстрэмісцкай дзейнасці.
Чытайце яшэ:
«Філёзафу месца ў палітыцы». Хто такі Уладзімер Мацкевіч, які пачаў галадоўку
Уладзімір Мацкевіч: Як не стацца марыянеткай спецслужбаў?
Жонка Уладзіміра Мацкевіча: «са здароўем ёсць пэўныя праблемы…»
@bajmedia
Сайт і сацсеткі выдання «Новы Час» абвесцілі экстрэмісцкай інфармацыйнай прадукцыяй
05.01.2024
Руководитель Белорусского расследовательского центра получил награду от Госдепартамента США
07.12.2023
Памёр беларускі фатограф Уладзімір Парфянок
15.01.2024
Таццяну Пыцько аштрафавалі за распаўсюд «экстрэмісцкіх матэрыялаў»
24.04.2024
