БелТА выкарыстала фота з незалежнага сайта, абрэзаўшы лагатып
16 студзеня 2016
Аўтарскі фотаздымак Васіля Мацкевіча, які належыць сайту “Медиа-Полесье”, з’явіўся на БелТА з абрэзаным лагатыпам першакрыніцы.
- Такія факты недапушчальныя ў Байнэце, — лічыць рэдактарка сайта “Медиа-Полесье” Святлана Гарда. — Тым больш, калі прыклад неэтычных паводзінаў дэманструе вядучае дзяржаўнае інфармацыйнае агенцтва краіны.
Навіна пра аўтобусны прыпынак у Пінску, прысвечаны Году культуры, выйшла на “Медиа-Полесье” 13 студзеня ў 16.48. На БелТА — 15 студзеня ў 15.53, дзе ўзялі фота першакрыніцы, але лагатып абрэзалі.
Пры гэтым БелТА спаслалася чамусьці на сайт ipinsk.by, які перадрукаваў навіну з “Медиа-Полесья” , але захаваў лагатып і гіперспасылку першакрыніцы.
- Выкарыстоўваючы рэгіянальныя парталы як інфармацыйных донараў, БелТА папярэджвае, што “при любом использовании материалов активная гиперссылка на belta.by обязательна”, – дадае Святлана Гарда і заклікае рэгіянальных журналістаў адстойваць свае аўтарскія правы.
@bajmedia
Беларусь і Расія хочуць абʼяднаць свае спісы «экстрэмістаў» і «экстрэмісцкіх рэсурсаў»
06.02.2024
Анджэй Пачобут – 40 месяцаў за кратамі
26.07.2024
Журналісты Беларускага расследавальніцкага цэнтра абвешчаныя ў міждзяржаўны вышук
31.07.2024
Следчы камітэт распачаў спецвытворчасць у дачыненні да журналіста Уладзіміра Хільмановіча
14.03.2024
