Былы журналіст Сяргей Гардзіевіч на волі, але ў яго забралі сродкі сувязі

Варта адзначыць, што былы карэспандэнт інфармацыйнага сайта «Першы рэгіён» стала жыве ў Беларусі і выязджаў у Польшчу па асабістых справах.

Падчас вяртання на радзіму ў Сяргея Гардзіевіча на мяжы сілавікі запатрабавалі для праверкі тэлефон. У выніку на яго склалі адміністрацыйны пратакол за распаўсюд экстрэмісцкіх матэрыялаў. Нагодай таму сталі рэпосты публікацый ў сацыяльных сетках, зробленыя яшчэ ў 2020 годзе.

Ноч пасля затрымання Гардзіевіч правёў у ізалятары часовага ўтрымання, пасля чаго яго перавезлі ў Драгічын. Адміністрацыйная справа разглядалася 15 верасня ў судзе Драгічынскага раёна. Былога журналіста прызналі вінаватым у здзяйсненні правапарушэння паводле арт. 19.11 КаАП і пакаралі арыштам на 15 сутак.

Адбыўшы гэты тэрмін Сяргей Гардзіевіч выйшаў на волю, але без сродкаў сувязі. Тэлефон і іншую тэхніку ў яго забралі падчас затрымання.

Нагадаем, што напрыканцы кастрычніка 2022 года экс-журналіст вызваліўся з папраўчай калоніі № 17 у Шклове, дзе правёў 1,5 гады зняволення па крымінальнай справе. 2 жніўня 2021 года суддзя Іванаўскага раёна Генадзь Кудласевіч прызнаў, Сяргея Гардзіевіча вінаватым паводле трох крымінальных артыкулаў: у абразе прадстаўнікоў улады ў сувязі з выкананнем імі службовых абавязкаў (арт. 369 КК), у распаўсюдзе загадзя ілжывых і зневажальных іншых асоб звестак (паклёп), якія змяшчаюць абвінавачаванне ў здзяйсненні цяжкага злачынства (арт. 188 КК) і публічнай абразе прэзідэнта Рэспублікі Беларусь (ч. 1 арт. 368 КК).

Чытайце яшчэ:

Гайд по легализации и «паспортам иностранцев» в Литве и Польше

Асуджанага за самвыдатаўскія «Веснікі» Андрэя Фаміна дадалі ў спіс экстрэмістаў

С фотоаппаратом в руках. В Украине погиб фотограф Владимир Миронюк