БАЖ звярнуўся да спецдакладчыка ААН па свабодзе выказвання
3 лютага 2016
ГА «БАЖ» праінфармавала спецдакладчыка ААН па свабодзе пераканання і выказвання сп-ра Дэвіда Кэя (David Kaye) пра абставіны збіцця журналіста Паўла Дабравольскага і адміністрацыйны пераслед беларускіх фрылансераў.
Арганізацыя заклікае яго дамагацца ад беларускіх уладаў тлумачэняў па ўсіх сур’ёзных выпадках парушэння правоў журналістаў.
ГА “БАЖ” просіць садзеяння спецдакладчыка ў аднаўленні справядлівасці ў дачыненні да карэспандэнта TUT.by. Гэта азначае правядзенне поўнага і аб’ектыўнага расследавання абставін яго затрымання і збіцця, адмену яго штрафу, а таксама спыненне практыкі ўжывання сілы супраць журналістаў пры выкананні прафесійных абавязкаў.
Журналісцкая арганізацыя таксама інфармуе сп-ра Кэя пра новыя штрафы журналістам за супрацоўніцтва за замежнымі СМІ – у прыватнасці, Ларысе Шчыраковай і Кастусю Жукоўскаму. ГА “БАЖ” просіць, каб спецдакладчык пры дапамозе міжнародных механізмаў дамагаўся спынення пераследу фрылансераў, адмены рашэнняў па іх адміністрацыйных справах і спынення практыкі іх пераследу.
@bajmedia
У Гомелі праўладнага блогера судзілі за «экстрэмізм» — праваабаронцы
28.12.2023
Больш за 5,5 тысячы долараў выдаткоўвае Брагінскі выканкам на падпіску на дзяржаўныя СМІ
27.11.2023
Распачаўся збор сродкаў на адвакатаў для Андрэя Гнёта
29.03.2024
Некалькі беларускіх раёнак сінхронна далі аб’явы аб наборы ў ваенныя ВНУ Расіі
30.07.2024
