Дзяніс Івашын: «Войскі персідскага цара Дарыя ўжо зазналі паражэнне ў Скіфіі»
13 верасня 2022
Аўтар «Новага часу», журналіст-расследавальнік Дзяніс Івашын з-за кратаў аналізуе хаду ваеннай кампаніі ва Украіне. Дзеля цэнзараў ён піша пра гэта ў алегарычнай форме.
Жонка Дзяніса Вольга цытуе ўрывак яго ліста ў Фэйсбуку, зазначаючы, што «гісторыкаў сярод цэнзараў не знайшлося, бо ведалі б, што яшчэ з часоў Герадота землі сучаснай Украіны называліся Вялікай Скіфіяй».
«Калі скарыстаць з гістарычнага дыскурсу і пэўнай рэмінісцэнцыі, то можна засведчыць, што войскі персідскага цара Дарыя ўжо зазналі паражэнне ў Скіфіі. Як мне падаецца, вядзецца выключна зараз пра “захаванне аблічча” сатрапа Персіі. Моц жа Скіфіі ўвесь час толькі будзе ўзмацняцца. Скіфія сцвердзілася ўжо як палітычная нацыя, усяму свету давяла моц сваёй дзяржавы, арміі, вялікі ўзровень абароназдатнасці. З ёю вымушаныя будуць весці перамовіны, да таго ж, шмат у чым зыходзячы з ейных інтарэсаў. Гэтыя перамовіны могуць адбыцца ўжо пасля ключавых падзеяў, якія, цалкам мажліва, адбудуцца да кастрычніка», — мяркуе Івашын.
Аднак ён не чакае хуткага канца супрацьстаяння ва Украіне.
«Працэс абменных аперацыяў і гэтак далей — можа расцягнуцца на гады, таму назапашваемся цярпеннем, трымаем зубы сцятымі, маральна-баявы дух — высокім, захоўваем спакой і верым у Скіфію!», — зазначае Дзяніс.
Ключавымі падзеямі Дзяніс лічыць, меркавана, вызваленне акупаваных тэрыторый «Скіфіі» ды паразу войскаў усходняй дэспатыі, за якімі абавязкова пачнуцца перамовы пра мір і абмен палоннымі.
Нагадаем, журналіст-расследавальнік, аўтар «Новага Часу» Дзяніс Івашын знаходзіцца ў няволі з 12 сакавіка 2021 года. Яго абвінавачваюць паводле арт. 365 Крымінальнага кодэкса (умяшанне ў дзейнасць супрацоўніка ўнутраных спраў), а таксама паводле ч. 1 арт. 356 КК (здрада дзяржаве). Дзянісу можа пагражаць ад 7 да 15 гадоў зняволення.
BYSOL адкрыў збор на дапамогу сям’і Дзяніса Івашына
Падтрымайце журналіста лістамі, тэлеграмамі, пераводамі і пасылкамі: Турма № 1, 230023, г. Гродна, вул. Кірава, 1. Івашыну Дзянісу Яўгенавічу.
Чытайце яшчэ:
Задачка со звездочкой: свобода слова, права человека или национальная безопасность?
«Вершыкі пакуль на паўзе, бо галава занятая процьмай важных інструкцый». Навіны ад Андрэя Кузьнечыка
Журналіст выдання Rzeczpospolita напісаў напісаў кнігу пра Святлану Ціханоўскую
@bajmedia
Жахлівыя тэрміны, цудоўныя дзяўчаты і любоў да жыцця. Палітвязынкі Беларусі сталі гераінямі календара
28.03.2024
Журналістка Любоў Лунёва: Алесь Пушкін быў ідэйным чалавекам
13.07.2023
«Разумеем мы, як важна цяпер беларуская газета, разумеем, якую вялікую работу яна можа зрабіць»
10.11.2023
Барыс Гарэцкі: У Беларусі не спыняюцца рэпрэсіі ў дачыненні да журналістаў
19.07.2023
