Справаздачна-выбарчы сход адбыўся ў Глыбокім
23 сакавіка 2018
22 сакавіка Глыбоцкая суполка ГА “БАЖ” правяла справаздачна-выбарчы сход. На пачатку заслухалі справаздачу кіраўніцы суполкі Таццяны Смоткінай, адзначылі асноўныя накірункі мінулагодняй працы, пагаварылі пра ціск на журналістаў суполкі, а таксама салідарнасць з імі з боку калег і чытачоў. Дзейнасць суполкі глыбоцкія бажаўцы ацанілі як задавальняючую.
Узгадалі і абмеркавалі запланаваныя на гэты год мерапрыемствы, засяродзілі сваю ўвагу на больш важных. Лідар суполкі Таццяна Смоткіна звярнула ўвагу прысутных на імпрэзы, якія будуць ладзіцца супольна з іншымі філіямі арганізацыі.
Пасля абмеркавання надзённых справаў перайшлі да абрання кіраўніка, намесніка суполкі і дэлегата на Х з’езд ГА “БАЖ”, які мае адбыцца 20 красавіка.
Кіраўніком суполкі пераабралі Таццяну Смоткіну, намеснікам — Іллю Дзянісава (Галляша Сяляву). Дэлегатам на з’езд адзінагалосна была абраная Таццяна Смоткіна.
На з’ездзе дэлегаты зацвердзяць стратэгію развіцця, абяруць кіраўніцтва ГА “Беларуская арганізацыя журналістаў”, Камісію па этыцы і іншыя структурныя органы аб’яднання.
@bajmedia
«Усё дрэнна. Але гэта не значыць, што не трэба нічога рабіць». Вялікая гутарка з выдаўцом і рэдактарам «Літрадыё» Паўлам Анціпавым
16.07.2024
Google плануе зрабіць платнымі некаторыя пошукавыя функцыі
04.04.2024
Беларуская газета ў 1926 годзе: Палітычным вязням – волю!
28.06.2024
«Грузія — тое, што цешыць і дае энергію». Беларускія журналісты ў Батумі прэзентавалі сваю прозу
16.04.2024
