17-гадовы аўтар «Прессбола» Раман Качына ізноў піша для выдання
30 жніўня 2022
28 ліпеня з'явілася інфармацыя пра затрыманне непаўналетняга журналіста. Але ў свежых нумарах "Прессбола", як заўважылі чытачы @pozirkonline, пачалі з'яўляцца тэксты за прозвішчам Качыны.
Як піша @pozirkonline, тое, што хлопец застаецца супрацоўнікам «Прессбола», пацвердзілі ў рэдакцыі.
Да гэтага ГУБАЗіК нібыта інкрымінаваў яму распальванне варожасці за допісы, што «беларусы заўсёды ваявалі з Расіяй». Таксама паведамлялася, што ён удзельнічаў у пратэстах у 2020 годзе.
Сёлета мінчук скончыў школу і збіраўся паступаць на журфак БДУ. Пасля затрымання напрыканцы ліпеня сілавікі кпілі ў сваім тэлеграм-канале, што студэнтам ён не стане праз «унесеныя ў жыццёвыя планы карэктывы». А з сайта навучальнага інтэрнет-СМІ журфака БДУ адразу ж выдалілі інтэрв’ю з затрыманым аўтарам «Прессбола».
Але ўжо 1 жніўня на сайце БелТА выйшаў тэкст пра тое, як Раман Качына здае творчы іспыт пры паступленні на журфак БДУ.
Ці патрапіў Раман на факультэт журналістыкі, невядома. Няма звестак і пра тое, ці праходзіць ён па якой-небудзь справе ў сувязі з ліпеньскім затрыманнем.
Чытайце яшчэ:
У Мінску пачаўся суд над прэс-сакратаром «А1» Мікалаем Брэдзелевым
Міністр Пярцоў сабраўся ствараць «медыяхолдынгі» ў кожнай з абласцей
Экс-сотрудника ТУТ.бая Александра Демидовича приговорили к 2,5 годам химии
@bajmedia
У Віцебску Барыса Хамайду аштрафавалі на 600 рублёў. І прызначылі новы суд
02.02.2024
Інтэрпол выкрасліў Андрэя Гнёта са свайго «чырвонага спісу»
19.07.2024
Процент от налогов — на журналистику. Независимые СМИ предлагают читателям из Польши и Литвы новый способ поддержать их
22.02.2024
У спіс экстрэмістаў дадалі Святлану Лупач — асуджаную дачку незалежнага журналіста Змітра Лупача
22.01.2024
