Bellingcat выкрыў дзясяткі хлусьлівых паведамленьняў пра вайну ў Ізраілі і Газе
11 кастрычніка 2023
9 кастрычніка некаторыя старонкі ў сацыяльнай сетцы X напісалі пра зьнішчэньне ізраільскім войскам «найстаражытнейшага храму ў сьвеце» — грэцкай праваслаўнай царквы Сьвятога Парфірыя (на выяве). Царква абвергла інфармацыю, піша Свабода.
Расьсьледніцкае агенцтва адзначыла, што папулярным спосабам зьяўляецца публікацыя старога відэа з новай датай. За цяперашнія абстрэлы выдавалі старыя відэа з Сырыі. У стварэньні ілжывых навін прыняла ўдзел праўладная сырыйская газэта «Аль-Ватан», якая выдала за бамбаваньне Ізраілем Газы ранейшае відэа з атакі на Арыху. Ёсьць і архіўныя відэа з Газы, якія выдалі за цяперашнія.
Ідуць спэкуляцыі на тэму дзеяньняў баевікоў ХАМАС у Ізраілі. Адно відэа згвалтаваньня дзяўчыны, што выдавалі за зьдзек з ізраільцянкі, насамрэч зьнялі 8 гадоў таму ў Гватэмале.
Bellingcat мяркуе, што падобныя ілжывыя навіны ствараюцца дзеля павышэньня папулярнасьці старонак, а таксама дзеля яшчэ большага распальваньня нянавісьці.
Чытайце яшчэ:
«Святкаваць штосьці разам — гэта дужа істотна». Як выжываюць рэдакцыі ў розных краінах
«Сьціснуць зубы, зьберагчы сябе і дачакацца вызваленьня». Што вядома пра зьняволеную журналістку Кацярыну Андрэеву
«Незалежныя медыя перажываюць крах бізнэс-мадэлі, а грамадства падвяргае сябе самацэнзуры». Асноўнае са справаздачы Freedom House
@bajmedia
На загад міністра інфармацыі ў Беларусі заблакавалі сайт «Мой Брест»
11.01.2024
У Магілёве затрымалі блогера і журналіста Алеся Сабалеўскага
13.12.2023
Папаўненне ў «экстрэмісцкім» спісе: акаўнты блогераў і «Медиазона. Беларусь»
27.03.2024
Блогер Віталь Усціновіч правёў 25 сутак у ІЧУ за распаўсюд «экстрэмісцкіх матэрыялаў»
12.03.2024
